Afgangar og nýtni.....

Aldrei þessu vant var ekki mikið um matarafganga eftir jólin hjá okkur og ég held að það sé bara af því að ég er að verða svo vitur í innkaupum, en það hefur ekki alltaf verið svoleiðis ef ég hef sé eitthvað gott tilboð þá hefur verið erfitt að ganga framhjá því og svo er frystirinn fylltur og skúffur og skápar þannig að þótt 8 manns detti óvart inn í mat þá er alltaf nóg til.
Núna er ég að vinna í því að breyta þessu er í ströngu æfingarprógrammi og þetta hefur bara gengið ágætlega fram að þessu missti mig aðeins og keypti kalkúnaleggi og skellti í frystirinn gott að eiga þá ef verslanir loka fyrirvaralaust það gæti alveg gerst meður veit aldrei :)

En það kom í ljós að það var mikið til af lopa aföngum og þá var nú spurning  hvernig best væri að nýta þá, ég fór  á youtube og vafraði þar um þar til ég datt niður á uppskrift af teppi og auðvitað skellti ég mér í að prófa og áður en ég vissi var ég komin með bólginn úlið og 5 ferninga í teppið og þá fór ég að hugsa hvort ég ætti kannski bara að gera púða og það verður spennandi að sjá hvert þetta verkefni fer með mig.

Það er svo gott að skoða í kistuna sína í byrjun árs og sjá hvaða gersemar eru í henni og ég komst að því að það er meira til af garni en ég hélt þannig að núna verður reynt að vinna úr þessum afgöngum áður en frekari fjárfesting á sér stað og sem betur fer fann ég ekki hannyrðabúð í Dublin um daginn því það er aldrei að vita hvað hefði slæðst í töskuna heim eftir eina svoleiðis heimsókn.