Hendi um hendi frá hendi til handavinnu .....

-
Að vera með eitthvað að gera í höndunum  er alveg nauðsynlegt fyrir mig og oft er ég að gera nokkra hluti í einu og skiptist á að prjóna eða sauma þannig slaka ég vel á, en stundum fer ég offari í þessu eins og mörgu öðru og gleymi því að hendurnar mínar eru ekki jafn sterkar og þær voru einu sinni og ég þarf að passa upp á þær.


Þessi peysa kláraðist í síðustu viku og það er svo skrítið þegar ég er búin að prjóna eitthvað á mig þá þarf það að vera inn í skáp í einhvern tíma áður en ég nota það, ég prjónaði mér kjól fyrir einhverjum árum síðan og setti hann í skápinn og þar gleymdist hann og svo var ég alveg hissa þegar ég fann hann.


Þessa mynd af höndunuum mínum málaði  ég  á Heilsuhælinu í Hveragerði um árið  á námskeiði í Listaperapíu þar sem við tókum smá hugleiðslu á milli verkefna.  Í einni hugleyðslunni  kom það svo sterkt til mín hversu mikilvægar hendurnar mínar væru og ég hafði aldrei hugsað neitt sérstaklega út í það og alltaf tekið þeim sem sjálfsögðum hlut.

En þarna  fann ég fyrir svo miklu þakklæti fyrir hendurnar mínar og ákvað að passa vel upp á þær framvegis og muna eftir því að ofbjóða þeim ekki.


 Á ferðalögum í bíl finnst mér gott að prjóna og í sumar fórum við norður í land að veiða og ég prjónaði þennan trefil á leiðinni og þegar ég kom heim kláraði ég að ganga frá honum og svo fór hann niður í skúffu og var dreginn fram í byrjun viku og hann er ótrúlega hlýr.


 Nú fer að kólna í veðri  því  ákvað ég að prjóna vetlinga úr afgangs lopa  á dæturnar þrjár og barnabarnið og auðvitað þarf ég svo að kaupa garn í viðbót og svo verður afgangur af því og þá þarf ég að prjóna eitthvað úr þeim er þetta ekki það sem er kallað vítahringur :) eða þannig.


 Nú er ég að dunda mér við að sauma þessa litlu jólapoka og það er ótrúlega gaman, myndirnar eru klipptar út úr efni sem ég keypti á útsölu í rúmfó í vor og ég handsauma þær á og síðan sauma ég sjálfan pokann í saumavélinni.

Rauða efnið hef ég keypt í bútum í Rauðakross búðum og það hvíta fékk ég í Ikea.


Það kemur svo í ljós seinna hvað ég ætla að gera við pokana


Það verður nú að vera smá spenna í þessu er það ekki?

Comments

Post a Comment

Popular posts from this blog

Gúrka, gúrka, gúrka

-
Image
   Það er stundum talað um gúkutíð þegar lítið er í fréttum og þannig er það búið að vera hjá mér að undanförnu hef ekki skifað í nokkra daga vegna annríkis og andleysis og þannig er það bara stundum hjá okkur í lífinu og er bara allt í lagi :) En ég gerði súrar gúrkur um daginn því að ég átti agúrku sem var að verða leiðinleg ( tala nú ekki við gúrkurnar mínar) ég meina hún var aðeins byrjuð að verða lin. Ein krukka af sýrðri  gúrku: 1 agúrka 2 dl. borðedik 1 dl. vatn 3 msk. sykur  3 lárviðarlauf 3-4 negulnaglar nokkur svört piparkorn 3 bitar af anis  set oft eina anis stjörnu en núna átti ég bara rest og enga heila, setti í pott  allt nema gúrkurnar og sauð það í c.a 10 mín til að fá bragðið fram og sótthreinsaði krukku með sjóðandi vatni og setti gúrkurnar í hana. Þegar lögurninn var aðeins farinn að kólna þá hellti ég honum í krukkuna og kældi alveg og setti svo í ísskáp, það er svo gott að eiga þetta með mat eða á s...
Read more

Kindalund og dásamleg stund !!!!

-
Image
 Mér datt í hug að kaupa kindalundir á tilboði í Krónunni og ætlaði bara að elda þær á þennan venjulega hátt en  þegar ég var búin að opna pakkann þá fannst mér þetta svo lítill matur og ákvað því að gera eitthvað annað úr þeim og þá varð þessi til og hann bragðast bara mjög vel. Þatta var 560 gr. kindalund 3 hvítlauksrif 2 tsk púðursykur 3 msk sojasósa 2 msk sesamfræ 1 biti eins og þumal nögl af fersku engifer Sósan til að marinera kjötið í gerði ég svona: Setti sojasósu í skál og kreysti hvítlauk út í hana og næst setti ég svo púðursykur, hrærði þetta saman og reif síðan engiferið út í. Skar kjötið í góðar sneiðar og setii það síðan út í sósuna og hrærði í því. Bætti svo sesamfræjunum út í og hrærði þetta vel saman með höndunum og lét kjötið liggja í þessu í 2 tíma. Grænmetið sem fór út í réttinn: 3 meðal stórar gulrætur 1/2 púrrulaukur 1 rauð paprika ( var með mjóa langa ) 1/2 zucchini Setti 1 tsk af olíu á wok pönnu og sk...
Read more

Sveita og hjónabandssæla !!!!!

-
Image
Við hjónaleysin brugðum undir okkur betra fætinum um helgina og fórum að veiða byrjuðum í Langavatni í Borgarbyggð og vorum þar eina nótt og tókum þrjá fiska með okkur þaðan. Fórum svo í Hlíðavatn í Hnappadal og þar tók bóndinn einn fisk en ég fór með öngulinn í rassinum heim en það er svo fallegt á báðum þessum stöðum og veðrið var svo fallegt að ég var alsæl. Þessi mynd að ofan er tekin þegar við vorum á leiðinni úr Hlíðavatni og ég er alltaf jafn heilluð af þessu útsýni. Í gærkvöldi var ég orðin ansi þreitt þegar við hættum og háttaði mig úr öllum gallanum í einu og fannst þetta svo fyndið þegar ég sá gallan liggja á rúminu að ég mátti til að smella mynd af honum, þetta er náttúrulega sérstakur hæfileiki að geta háttað sig svona. :) Á heimleiðinni í dag á afmælisdegi bóndans fórum við að Hítarvatni í Hítardal og það er alveg ótrúlega fallegt þar og mikið af fólki við drukkum bara kaffi og fegurðina í okkur og fórum svo heim á leið. Það var að leggjast yfir þokaslæði...
Read more