Gulrætur....sem urðu að súpu ....

-
Eru þær ekki fallegar gulræturnar sem ég fékk upp úr garðinum okkar hélt að það yrði engin uppskera því kom það  mér þægilega á óvart hversu mikið var undir grösunum.


 Þær eru svo góðar svona alveg glænýjar og það er allt annað bragð af þeim sérstaklega ef maður hefur ræktað þær sjálfur.

Nú er um að gera að borða þær meðan birgðir endast og þess vegna ákvað ég að prófa að gera mína gulrótarsúpu.


Í hana fór:

800 gr. gulrætur
1 dós kókosmjólk
3 hvítlauksrif
smá biti af túrmenikrót ( 1cm )
 biti af engiferrót
salt, pipar
1/2 ltr. vatn
laukur notaði litlu laukanan mína og þeir voru 4 eða 1 meðalstór laukur
1 grænmetisteningur.

Þessi uppskrift er alveg fyrir 6 og svo er afgangur sem gott er að frysta og eiga í nesti.
  


Setti smá olíuslettu c.a 1 tsk í stórann pott og út í það allt kryddið og lét það aðeins samlagast


 bætti  gulrótum í sneiðum  út í og lét þær hitna vel í gegn í  smá stund.


Þá fór vatnið og  teningur út í og þetta  sauð þar til gulræturnar fóru að mýkjast c.a. 10 mín.


Næst notaði ég töfrasprotann til að mauka súpuna og bætti síðan  kókosmjólkinni út í og smakkaði hana til og lét hana síðan malla við vægan hita á með ég undirbjó brauðið sem ég hafði með.


Svona leit súpan út gul og falleg og ilmurinn og bragðið alveg yndislegt þetta var alveg nýtt bragð fyrir mig og mér líkaði það vel.


Ég hafði tekið pizzadeig úr frysti daginn áður og ekki notað það, því var alveg upplagt að búa til  brauð með súpunni úr því og nota restar af hinu og þessu úr ískápnum í það.


Ég flatti deigið út og smurði það með camenbert smurosti og síðan með grófu sinnepi


Átti nokkrar skinku sneiðar skar þær og settiofan á tók svo smá fetaost og muldi yfir og því næst skar ég brauðost afganga í bita og setti yfir.


Bakaði þetta þar til osturinn var bránaður og þetta kom vel út með súpunni, alltaf gaman að prófa eitthvað nýtt.

Comments

Post a Comment

Popular posts from this blog

Gúrka, gúrka, gúrka

-
Image
   Það er stundum talað um gúkutíð þegar lítið er í fréttum og þannig er það búið að vera hjá mér að undanförnu hef ekki skifað í nokkra daga vegna annríkis og andleysis og þannig er það bara stundum hjá okkur í lífinu og er bara allt í lagi :) En ég gerði súrar gúrkur um daginn því að ég átti agúrku sem var að verða leiðinleg ( tala nú ekki við gúrkurnar mínar) ég meina hún var aðeins byrjuð að verða lin. Ein krukka af sýrðri  gúrku: 1 agúrka 2 dl. borðedik 1 dl. vatn 3 msk. sykur  3 lárviðarlauf 3-4 negulnaglar nokkur svört piparkorn 3 bitar af anis  set oft eina anis stjörnu en núna átti ég bara rest og enga heila, setti í pott  allt nema gúrkurnar og sauð það í c.a 10 mín til að fá bragðið fram og sótthreinsaði krukku með sjóðandi vatni og setti gúrkurnar í hana. Þegar lögurninn var aðeins farinn að kólna þá hellti ég honum í krukkuna og kældi alveg og setti svo í ísskáp, það er svo gott að eiga þetta með mat eða á s...
Read more

Kindalund og dásamleg stund !!!!

-
Image
 Mér datt í hug að kaupa kindalundir á tilboði í Krónunni og ætlaði bara að elda þær á þennan venjulega hátt en  þegar ég var búin að opna pakkann þá fannst mér þetta svo lítill matur og ákvað því að gera eitthvað annað úr þeim og þá varð þessi til og hann bragðast bara mjög vel. Þatta var 560 gr. kindalund 3 hvítlauksrif 2 tsk púðursykur 3 msk sojasósa 2 msk sesamfræ 1 biti eins og þumal nögl af fersku engifer Sósan til að marinera kjötið í gerði ég svona: Setti sojasósu í skál og kreysti hvítlauk út í hana og næst setti ég svo púðursykur, hrærði þetta saman og reif síðan engiferið út í. Skar kjötið í góðar sneiðar og setii það síðan út í sósuna og hrærði í því. Bætti svo sesamfræjunum út í og hrærði þetta vel saman með höndunum og lét kjötið liggja í þessu í 2 tíma. Grænmetið sem fór út í réttinn: 3 meðal stórar gulrætur 1/2 púrrulaukur 1 rauð paprika ( var með mjóa langa ) 1/2 zucchini Setti 1 tsk af olíu á wok pönnu og sk...
Read more

Sveita og hjónabandssæla !!!!!

-
Image
Við hjónaleysin brugðum undir okkur betra fætinum um helgina og fórum að veiða byrjuðum í Langavatni í Borgarbyggð og vorum þar eina nótt og tókum þrjá fiska með okkur þaðan. Fórum svo í Hlíðavatn í Hnappadal og þar tók bóndinn einn fisk en ég fór með öngulinn í rassinum heim en það er svo fallegt á báðum þessum stöðum og veðrið var svo fallegt að ég var alsæl. Þessi mynd að ofan er tekin þegar við vorum á leiðinni úr Hlíðavatni og ég er alltaf jafn heilluð af þessu útsýni. Í gærkvöldi var ég orðin ansi þreitt þegar við hættum og háttaði mig úr öllum gallanum í einu og fannst þetta svo fyndið þegar ég sá gallan liggja á rúminu að ég mátti til að smella mynd af honum, þetta er náttúrulega sérstakur hæfileiki að geta háttað sig svona. :) Á heimleiðinni í dag á afmælisdegi bóndans fórum við að Hítarvatni í Hítardal og það er alveg ótrúlega fallegt þar og mikið af fólki við drukkum bara kaffi og fegurðina í okkur og fórum svo heim á leið. Það var að leggjast yfir þokaslæði...
Read more