Krydd i tilveruna

Ég hreinlega elska þennan árstíma og nýt þess í botn að sulta og sýsla og síðasta sunnudag í rokinu og rigningunni var ég að dunda mér við að sauma í höndunum  þessa litlu poka undir kryddjurtir.

Ég gerði þá úr viskustykki sem ég átti og hafði keypt í rúmfó einhvern tímann og svo setti ég kryddjurtirnar í og lokaði með borða og setti merkimiða á til að vita hvað er í hverjum poka til að auðvelda mér þegar ég þarf að nota þær í vetur, en núna er ég að nota þær ferskar á meðan hægt er.

Þetta er timjan, koríander, dill, garðblóðberg og mynta og svo á ég eftir að taka rósmarín og setja það í poka.

Það er alltaf gaman að gera tilraunir og núna prófaði ég að setja koríander í ísbox með olífuolíu.

fyrst setti ég kryddið í og hellti síðan olíunni yfir og setti í  frystipoka og inn í frysti

  þetta varð eins og smjör með kryddjurtum í og það er hægt að taka bita af þessu og nota.

Prófaði að frysta myntublöð með vatni í ísboxi og get þá sett þá beint í könnu og vatn með veit ekki hvernig þetta kemur út en það er bara spennandi að prófa og nóg er af myntunni hjá mér.

Þegar ég var búin að setja kryddjurtirnar í pokana sína þá hengdi ég þá upp á hilluna mína í eldhúsinu og þar þorna þær og verða góðar til notkunar í vetur og svo punta þær líka uppá eldhúsið.