Fiskur í felum

Sambýlingurinn minn er ekki mjög hrifinn af fiski en í kjölfarið á veikindum sínum þá var honum ráðlagt að borða léttan mat  t.d. fisk og ég ákvað að gera fisk í ofni og kalla hann fisk í felum.

Það sem fór í þennan rétt er:

  3 fiskstykki

1 bökunar kartafla

2 gulrætur

3 msk kotasæla

2 dl rjómi

2 msk gult sinnep

2 msk korma sósa

2 hvítlauks rif

3 dl pasta

rifinn ostur

salt og pipar

Hafð dl málið vel fullt þega ég setti pasta í það

 Sauð  pastað í 7 mín í vatni með smá salti

Skar kartöflur og gulrætur í litla bita og setti í sjóðandi vatn og sauð þetta í c.a 10 mín.

Blandaði saman í skál 3 msk af kotasælu, 1 dl rjóma, 2 msk sinnepi og kormasósunni og hrærði þetta vel saman

Setti helminginn í botninn á eldföstu móti

síðan pastað

því næst grænmetið

og skar fiskibitana smátt og setti 4 ofan á og saltaði og pipraði fiskinn

því næst setti ég restina af sósunni ofna á fiskinn

og aftur grænmeti og fisk

Því næst reif ég ost sem ég átti í frysti en ég frysti alla afganga af osti til að nota í allskonar rétti.

Dreyfði ostinum yfir fiskininn og hellti 1 dl af rjóma yfir og lét þetta inn í vel heitan ofn og bakaði í 15 mín.

Þetta var mjög góður fiskur og ég á örugglega eftir að gera hann aftur og ef fólk vill hafa hann sterkari þá er um að gera að setja t.d. karrí út í sósuna og e.t.v pipar líka en okkur þótti hann mátulega sterkur og vorum ánægð og södd.