Ávaxtatré !!!

-

Ég er svo ótrúlega spennt þessa dagana út af epla og plómutrjánum okkar og það kemur út af því að ég fór á tveggja kvölda námskeið um umhirðu þeirra.

Í garðinum okkar eru tvö eplatré og þau voru sett niður 2012 og þá voru þau bara 60 cm sprotar og núna þegar ég mældi þau var annað orðið 150 cm og hitt 160 cm en það komu engin blóm á þau í fyrra og það verður spennandi að sjá hvort eitthvað kemur núna.

 Á námskeiðinu spurði ég hvað það tæki langan tíma að fá blóm og epli þá var mér sagt að það tæki 3-7 ár misjafnt eftir yrkjum " púpp ég er nú ekki sú þolinmóðasta og stundi SJÖ ÁR" en svona er þetta bara það er ekkert hægt að flýta þessu neitt. En ég lærði mjög mikið á þessu námskeiði um umhirðu, klippingar, rætur og margt fleira og ég mæli með ef einhver er að hugsa um að fá sér tré að fara á námskeið þeir sem voru með þetta námskeið  eru frá Garðyrkjufélagi íslands og voru í alla staði frábærir.

Í garðinum er líka plómutré en mér var gefið það 2011 og það er sama sagan með það það stækkar bara og  ber  mikið af greinum en engin blóm hafa komið á það ennþá en það var um 1 meter þegar ég fékk það og núna er það..2 metrar ég dreif mig  út í garð og skoðaði  trén og klippti þau til og svo verður spennandi að sjá hvort eitthvað gerist í sumar.


Þetta er plómutréð ekki mikið fyrir augað núna en það verður spennandi að sjá hvað það gerir í sumar.


Héna eru litlu eplatrén en þau þurfa nú ekki að vera mjög stór til að bera ávöxt.

 Þegar náskeiðinu lauk kom ég heim og var svo spennt að sambýlingurinn mátti hafa sig allan fram að fylgjast með orða bununni sem út úr mér flæddi og sagði bara " já já þetta er allt mjög spennandi " en hann náði örugglega ekki öllu sem ég sagði en hann spyr bara um það í rólegheitum þegar frá líður.

 En  nú vil ég kaupa fleiri tré allavega tvö í viðbót kannski frá Kanada en þau sem við erum með eru frá finnlandi og svíþjóð. Það er svo gaman að fylgjast með þeim og sjá þau vaxa og dafna og ég tala nú ekki um þegar þau bera svo ávexti og við erum að skoða hvar við getum sett þau niður.

Comments

Post a Comment

Popular posts from this blog

Gúrka, gúrka, gúrka

-
Image
   Það er stundum talað um gúkutíð þegar lítið er í fréttum og þannig er það búið að vera hjá mér að undanförnu hef ekki skifað í nokkra daga vegna annríkis og andleysis og þannig er það bara stundum hjá okkur í lífinu og er bara allt í lagi :) En ég gerði súrar gúrkur um daginn því að ég átti agúrku sem var að verða leiðinleg ( tala nú ekki við gúrkurnar mínar) ég meina hún var aðeins byrjuð að verða lin. Ein krukka af sýrðri  gúrku: 1 agúrka 2 dl. borðedik 1 dl. vatn 3 msk. sykur  3 lárviðarlauf 3-4 negulnaglar nokkur svört piparkorn 3 bitar af anis  set oft eina anis stjörnu en núna átti ég bara rest og enga heila, setti í pott  allt nema gúrkurnar og sauð það í c.a 10 mín til að fá bragðið fram og sótthreinsaði krukku með sjóðandi vatni og setti gúrkurnar í hana. Þegar lögurninn var aðeins farinn að kólna þá hellti ég honum í krukkuna og kældi alveg og setti svo í ísskáp, það er svo gott að eiga þetta með mat eða á samloku og þetta er ágæt lausn
Read more

Sveita og hjónabandssæla !!!!!

-
Image
Við hjónaleysin brugðum undir okkur betra fætinum um helgina og fórum að veiða byrjuðum í Langavatni í Borgarbyggð og vorum þar eina nótt og tókum þrjá fiska með okkur þaðan. Fórum svo í Hlíðavatn í Hnappadal og þar tók bóndinn einn fisk en ég fór með öngulinn í rassinum heim en það er svo fallegt á báðum þessum stöðum og veðrið var svo fallegt að ég var alsæl. Þessi mynd að ofan er tekin þegar við vorum á leiðinni úr Hlíðavatni og ég er alltaf jafn heilluð af þessu útsýni. Í gærkvöldi var ég orðin ansi þreitt þegar við hættum og háttaði mig úr öllum gallanum í einu og fannst þetta svo fyndið þegar ég sá gallan liggja á rúminu að ég mátti til að smella mynd af honum, þetta er náttúrulega sérstakur hæfileiki að geta háttað sig svona. :) Á heimleiðinni í dag á afmælisdegi bóndans fórum við að Hítarvatni í Hítardal og það er alveg ótrúlega fallegt þar og mikið af fólki við drukkum bara kaffi og fegurðina í okkur og fórum svo heim á leið. Það var að leggjast yfir þokaslæði
Read more

Kindalund og dásamleg stund !!!!

-
Image
 Mér datt í hug að kaupa kindalundir á tilboði í Krónunni og ætlaði bara að elda þær á þennan venjulega hátt en  þegar ég var búin að opna pakkann þá fannst mér þetta svo lítill matur og ákvað því að gera eitthvað annað úr þeim og þá varð þessi til og hann bragðast bara mjög vel. Þatta var 560 gr. kindalund 3 hvítlauksrif 2 tsk púðursykur 3 msk sojasósa 2 msk sesamfræ 1 biti eins og þumal nögl af fersku engifer Sósan til að marinera kjötið í gerði ég svona: Setti sojasósu í skál og kreysti hvítlauk út í hana og næst setti ég svo púðursykur, hrærði þetta saman og reif síðan engiferið út í. Skar kjötið í góðar sneiðar og setii það síðan út í sósuna og hrærði í því. Bætti svo sesamfræjunum út í og hrærði þetta vel saman með höndunum og lét kjötið liggja í þessu í 2 tíma. Grænmetið sem fór út í réttinn: 3 meðal stórar gulrætur 1/2 púrrulaukur 1 rauð paprika ( var með mjóa langa ) 1/2 zucchini Setti 1 tsk af olíu á wok pönnu og skellti grænmeti
Read more