Ábyrgð !!!!

Öll höfum við einhverja ábyrgð og hún er mismunandi hjá okkur, en það sem  við  eigum  sameiginlegt er að   við berum ábyrgð á eigin lífi.

Ef við eigum börn þá berum við ábyrgð á þeirra velferð á meðan þau eru að ná þroska , við berum líka samfélagslega ábyrgð ef við höfum grun um að barn sé í hættu þótt það sé ekki okkar barn, þá er það skylda okkur að gera eitthvað í málinu t.d. hafa samband við Barnavernd, lögreglu eða skóla á þeim stað sem barnið býr.

Ef við þurfum einhverja hjálp er það á  okkar ábyrgð að byðja  hana, það er ekki alltaf auðvelt, en það kemur enginn og bankar upp á hjá okkur og spyr hvort það sé eitthvað sem okkur vanti hjálp með. Ef það er þannig hjá ykkur endilega látið mig vita :)

Ég man eftir því á meðan ég var einhleyp þá var fólk oft að segja við mig " ef þig langar að kynnast einhverjum manni þarftu að fara út á meðal fólks til að þú verðir sýnileg og sjáir aðra" Já það er alveg satt auðvitað varð ég að taka ábyrgð á því líka, það var enginn með heimsendingar þjónusta með karlmenn til að ég gæti hitt einhvern áhugaverðan.  Þetta gæti nú verið viðskipahugmynd.



Í vinnu höfum við okkar ábyrgð t.d að mæta á réttum tíma, sinna því sem við erum  að vinna við og öll vinna skiptir máli hvað sem við gerum og ef ég vinn verkið vel þá er ég ábyrg.

Í skólanum hef ég líka ábyrgð  þarf að mæta og sinna mínum lærdómi, þá aukast líkurnar á  útskrifist einhvern tímann,  síðan eru það kennarar og annað starfsfólk skólans sem þarf að taka ábyrgð á sínu starfi til að ég fái þá menntun sem ég þarf.

Við getum ekki breytt öðru fólki þótt það hagi sér ekki eins og við viljum, en við getum tekið ábyrgð á okkar viðbrögðum  gagnvart fólki og það er svo frábært því að það er ömurlegt að láta annað fólk stjórna minni líðan.

Það er til fólk sem tekur ofurábyrgð á öllu og er alveg að sligast undan öllu álaginu , það fólk þarf að gera eitthvað í sínum málum og fá hjálp til að hætta þessu og það er alveg hægt.

 Ég er ein af þeim sem hef átt erfitt með að sleppa tökunum á fólki og það hefur bara leitt mig í ógöngur og þess vegna hætti ég því og það er á mína ábyrgð að halda áfram að vinna í því að ná árangri á þessu sviði eins og öðrum.

Muna bara ef ég er ekki ánægð með ástandið hvort sem það er heima, í vinnu eða í samskiptum, þá get ég gert eitthvað í því, í stað þess að vera í fýlu og bíða endalaust eftir að aðrir breyti einhverju.