Jólin eru handan við hornið :)

-

Já það eru að koma jól og allir eiga að vera glaðir en þannig er það nú því miður ekki, það eru margir sem kvíða þessum árstíma og vilja helst sofa hann af sér og það geta verið margar ástæður fyrir því, ástvinamissir eða eitthvað annað.

Ég er sem betur fer ekki lengur ein af þeim sem þjáist af jólakvíða,  það eru samt ekki ýkja mörg ár síðan að ég fann fyrir honum síðast og það voru margar ástæður fyrir því. Sumt kemur  frá æsku jólunum en þau voru stundum skrautleg vegna áfengisdrykkju og ýmisskonar uppákomum tengdu því. Kannski er það þess vegna sem ég fór oft offari á þessum árstíma jólin á mínu heimili áttu að vera fullkomin en það eru víst ekki til fullkomin jól :)

Þegar ég hugsa til baka þegar börnin mín voru lítil og ég var á útopnu að klára að skúra og skrúbba þegar allir voru búnir að fara í bað á aðfangadag, skipta á rúmunum, elda matinn og aldrei bað ég um hjálp heldur pirraði mig frekar á því að enginn hjálpaði mér . Ég hef örugglega ekki alltaf verið skemmtileg og ég man hvað ég var þreitt þegar maturinn var yfirstaðinn og búið að opna pakkana þá vildi ég helst fara að sofa.

Sem betur fer fékk ég vitið fyrir einhverjum árum síðan og slakaði á þessum kröfum og hef verið að vanda mig að njóta frekar en að þjóta og þótt eitthvað eitt horn hafi orðið útundan í skúringum skiptir það ekki lengur máli, jólasveininn er ekki með tékklista að merkja við hvað betur má fara. 

Í gær var ég að njóta og að skreyta og setti jólatréð upp en það er aldrei skreytt fyrr en á þoláksmessu kvöldi heima hjá mér og mér finnst fínt að hafa þennan sið, við fengum góða vini í heimsókn og áttum ljúfa stund með þeim og það var bara frábært. 
 Hér áður fyrr fórum við mæðgur saman í friðargönguna fengum okkur svo bita í bænum og svo heim að skreyta tréð.
Ég veit ekki hvernig þessi Þorláksmessa verður en ég er ákveðin í að reyna að njóta hennar sem best þegar ég er búin að vinna í dag.
Gleðileg jól og hafið það sem allra best um hátíðina sem endranær.

Þessar skemmtilegur myndir fann ég á Better Homes & Gardens


Comments

Post a Comment

Popular posts from this blog

Gúrka, gúrka, gúrka

-
Image
   Það er stundum talað um gúkutíð þegar lítið er í fréttum og þannig er það búið að vera hjá mér að undanförnu hef ekki skifað í nokkra daga vegna annríkis og andleysis og þannig er það bara stundum hjá okkur í lífinu og er bara allt í lagi :) En ég gerði súrar gúrkur um daginn því að ég átti agúrku sem var að verða leiðinleg ( tala nú ekki við gúrkurnar mínar) ég meina hún var aðeins byrjuð að verða lin. Ein krukka af sýrðri  gúrku: 1 agúrka 2 dl. borðedik 1 dl. vatn 3 msk. sykur  3 lárviðarlauf 3-4 negulnaglar nokkur svört piparkorn 3 bitar af anis  set oft eina anis stjörnu en núna átti ég bara rest og enga heila, setti í pott  allt nema gúrkurnar og sauð það í c.a 10 mín til að fá bragðið fram og sótthreinsaði krukku með sjóðandi vatni og setti gúrkurnar í hana. Þegar lögurninn var aðeins farinn að kólna þá hellti ég honum í krukkuna og kældi alveg og setti svo í ísskáp, það er svo gott að eiga þetta með mat eða á s...
Read more

Kindalund og dásamleg stund !!!!

-
Image
 Mér datt í hug að kaupa kindalundir á tilboði í Krónunni og ætlaði bara að elda þær á þennan venjulega hátt en  þegar ég var búin að opna pakkann þá fannst mér þetta svo lítill matur og ákvað því að gera eitthvað annað úr þeim og þá varð þessi til og hann bragðast bara mjög vel. Þatta var 560 gr. kindalund 3 hvítlauksrif 2 tsk púðursykur 3 msk sojasósa 2 msk sesamfræ 1 biti eins og þumal nögl af fersku engifer Sósan til að marinera kjötið í gerði ég svona: Setti sojasósu í skál og kreysti hvítlauk út í hana og næst setti ég svo púðursykur, hrærði þetta saman og reif síðan engiferið út í. Skar kjötið í góðar sneiðar og setii það síðan út í sósuna og hrærði í því. Bætti svo sesamfræjunum út í og hrærði þetta vel saman með höndunum og lét kjötið liggja í þessu í 2 tíma. Grænmetið sem fór út í réttinn: 3 meðal stórar gulrætur 1/2 púrrulaukur 1 rauð paprika ( var með mjóa langa ) 1/2 zucchini Setti 1 tsk af olíu á wok pönnu og sk...
Read more

Sveita og hjónabandssæla !!!!!

-
Image
Við hjónaleysin brugðum undir okkur betra fætinum um helgina og fórum að veiða byrjuðum í Langavatni í Borgarbyggð og vorum þar eina nótt og tókum þrjá fiska með okkur þaðan. Fórum svo í Hlíðavatn í Hnappadal og þar tók bóndinn einn fisk en ég fór með öngulinn í rassinum heim en það er svo fallegt á báðum þessum stöðum og veðrið var svo fallegt að ég var alsæl. Þessi mynd að ofan er tekin þegar við vorum á leiðinni úr Hlíðavatni og ég er alltaf jafn heilluð af þessu útsýni. Í gærkvöldi var ég orðin ansi þreitt þegar við hættum og háttaði mig úr öllum gallanum í einu og fannst þetta svo fyndið þegar ég sá gallan liggja á rúminu að ég mátti til að smella mynd af honum, þetta er náttúrulega sérstakur hæfileiki að geta háttað sig svona. :) Á heimleiðinni í dag á afmælisdegi bóndans fórum við að Hítarvatni í Hítardal og það er alveg ótrúlega fallegt þar og mikið af fólki við drukkum bara kaffi og fegurðina í okkur og fórum svo heim á leið. Það var að leggjast yfir þokaslæði...
Read more