Súkkulaði snúðar !

-
Jæja þá er matarlystin komin aftur og eldhúsverkin komin af stað :)
Ég bakaði súkkulaði snúða fyrir vinnukaffi á föstudag og var að gera þá í fyrsta skiptið en uppskriftina fann ég í Gestgjafanum:

Snúðar : 20stk:

1 1/2 dl volg mjólk
1 tsk þurrger
2 msk sykur
50 gr mjúkt smjör
1 egg
1/4 tsk salt
350 gr hveiti
2-3 msk volgt vatn ef þarf


Allt hráefnið nema vatnið sett saman í skál og hnoðið vel. Bætið vatni saman við ef deigið er of þurrt
. Hnoðið deigið vel í höndunum eða með hnoðaranum á vélinni. Setjið í skál og breiðið yfir og látið lyfta sér þar til það hefur tvöfaldast að umfangi það má líka láta deigið hefast í ísskáp yfir nótt.

Fylling: 180 gr mars eða annað súkkulaði skorið í litla bita. 2 msk smjör brætt og kælt lítillega.

Ég átti ekki mars en notaði suðusúkkulaði og nokkra daim mola sem ég áttium að gera að nota það súkkulaði sem ykkur þykir gott.
Flatti deigið út og hafði það c.a 1 cm þykkt.

Smurði deigið með smjörinu og sáldraði sukkulaðinu yfir og rúllaði því nokkuð þétt upp í pulsu og skar hana í 1-2 cm þykka bita.

Stillið ofninn á 180 gr. raðið snúðunum  nokkuð þétt á bökunarplötu með smjörpappír og látið hefast í 30 mín og bakið í 15-20 mín eða þar til snúðarnir hafa tekið fallegan lt.

Þeir voru mjög góðir en ég hefði mátt hafa deigið blautara því þá hefðu þeir orðið mýkri en svona er þetta maður er alltaf að læra í eldhúsinu og þess vegna finnst mér það svo gaman.


Husaði með mér að það væri  hægt að setja kryddblöndu inn í snúðana eða ost og krydd og hafa þetta góða brauðsnúða með súpu á örugglega eftir að prófa það.

Vona að vikan framundan verði góð hjá ykkur :)

Comments

Post a Comment

Popular posts from this blog

Gúrka, gúrka, gúrka

-
Image
   Það er stundum talað um gúkutíð þegar lítið er í fréttum og þannig er það búið að vera hjá mér að undanförnu hef ekki skifað í nokkra daga vegna annríkis og andleysis og þannig er það bara stundum hjá okkur í lífinu og er bara allt í lagi :) En ég gerði súrar gúrkur um daginn því að ég átti agúrku sem var að verða leiðinleg ( tala nú ekki við gúrkurnar mínar) ég meina hún var aðeins byrjuð að verða lin. Ein krukka af sýrðri  gúrku: 1 agúrka 2 dl. borðedik 1 dl. vatn 3 msk. sykur  3 lárviðarlauf 3-4 negulnaglar nokkur svört piparkorn 3 bitar af anis  set oft eina anis stjörnu en núna átti ég bara rest og enga heila, setti í pott  allt nema gúrkurnar og sauð það í c.a 10 mín til að fá bragðið fram og sótthreinsaði krukku með sjóðandi vatni og setti gúrkurnar í hana. Þegar lögurninn var aðeins farinn að kólna þá hellti ég honum í krukkuna og kældi alveg og setti svo í ísskáp, það er svo gott að eiga þetta með mat eða á s...
Read more

Kindalund og dásamleg stund !!!!

-
Image
 Mér datt í hug að kaupa kindalundir á tilboði í Krónunni og ætlaði bara að elda þær á þennan venjulega hátt en  þegar ég var búin að opna pakkann þá fannst mér þetta svo lítill matur og ákvað því að gera eitthvað annað úr þeim og þá varð þessi til og hann bragðast bara mjög vel. Þatta var 560 gr. kindalund 3 hvítlauksrif 2 tsk púðursykur 3 msk sojasósa 2 msk sesamfræ 1 biti eins og þumal nögl af fersku engifer Sósan til að marinera kjötið í gerði ég svona: Setti sojasósu í skál og kreysti hvítlauk út í hana og næst setti ég svo púðursykur, hrærði þetta saman og reif síðan engiferið út í. Skar kjötið í góðar sneiðar og setii það síðan út í sósuna og hrærði í því. Bætti svo sesamfræjunum út í og hrærði þetta vel saman með höndunum og lét kjötið liggja í þessu í 2 tíma. Grænmetið sem fór út í réttinn: 3 meðal stórar gulrætur 1/2 púrrulaukur 1 rauð paprika ( var með mjóa langa ) 1/2 zucchini Setti 1 tsk af olíu á wok pönnu og sk...
Read more

Sveita og hjónabandssæla !!!!!

-
Image
Við hjónaleysin brugðum undir okkur betra fætinum um helgina og fórum að veiða byrjuðum í Langavatni í Borgarbyggð og vorum þar eina nótt og tókum þrjá fiska með okkur þaðan. Fórum svo í Hlíðavatn í Hnappadal og þar tók bóndinn einn fisk en ég fór með öngulinn í rassinum heim en það er svo fallegt á báðum þessum stöðum og veðrið var svo fallegt að ég var alsæl. Þessi mynd að ofan er tekin þegar við vorum á leiðinni úr Hlíðavatni og ég er alltaf jafn heilluð af þessu útsýni. Í gærkvöldi var ég orðin ansi þreitt þegar við hættum og háttaði mig úr öllum gallanum í einu og fannst þetta svo fyndið þegar ég sá gallan liggja á rúminu að ég mátti til að smella mynd af honum, þetta er náttúrulega sérstakur hæfileiki að geta háttað sig svona. :) Á heimleiðinni í dag á afmælisdegi bóndans fórum við að Hítarvatni í Hítardal og það er alveg ótrúlega fallegt þar og mikið af fólki við drukkum bara kaffi og fegurðina í okkur og fórum svo heim á leið. Það var að leggjast yfir þokaslæði...
Read more