Frágangur á grænmeti !!

Að rækta grænmeti er bara einn hlekkur í keðjunni svo þarf að borða það eða geyma og ég er alltaf að leita nýrra leiða til að skemma ekki uppskeruna ef við getum ekki borðað hana alla eins og skot,

   ég tók blómkál og spergilkál og setti í hæfilega matarskammta fyrir okkur og frysti og gaman að segja frá því að græjan sem er á myndinni með grænmetinu hún býr til poka og ég fékk hana að gjöf 1981 og hef mikið notað hana síðan svona eldast sum heimilistækin vel með okkur.

Inn á síðunni http://www.leidbeiningastod.is eru mörg góð ráð að fá og meðal annars um frystingu grænmetis

Grænmeti

þann 10 October 2008.

Þeir sem hafa sinn eigin matjurtagarð eru vel settir að geta tekið upp ferskt grænmeti jöfnum höndum. En ekki eru allir svo heppnir og verða að velja sér grænmeti í verslun. Það er mikilvægt að sneiða hjá visnu og illa útlítandi grænmeti, þá er næingagildi þess hverfandi, auk þess sem það að rýrnar mun meira við matreiðslu.
Tilvalið er að nota sér tilboð sem bjóðast í stórmörkuðum og birgja sig upp.

Með réttri geymslu má koma í veg að grænmeti láti á sjá og tapi næringagildi sínu. Gott er að hafa í huga:
▪ Grænmeti þarf kaldan og dimman stað til að halda ferskleika sínum eftir að það er tekið upp.
▪ Það minnkar geymsluþol að þvo grænmeti fyrir geymslu, þarf samt að bursta mold og önnur óhreinindi af.
▪ Best er að pakka því vel inn í plastfilmu og geyma í grænmetisskúffu í ísskápnum.
▪ Rótargrænmeti þarf að geyma á köldum en frostlausum stað og helst í rökum sandi, sé þess kostur.
▪ Aldrei skal geyma ávexti og grænmeti saman, þá skerðist geymsluþol þess umtalsvert.
▪ Súrefni og sól skaða afskorið grænmeti og því skal forðast að láta það liggja við þannig aðstæður.
▪ Alltaf skal hreinsa og sjóða grænmeti rétt áður en þess er neytt.
▪ Grænmeti skal aldrei hreinsa nálægt kjöti eða fiski, því þá geta borist jarðbakteríur á milli sem mynda eiturbakteríur   og þannig sýkt matvælin.
▪ Mælt er með að gufusjóða grænmeti og þá aðeins þann tíma sem tekur að verða meyrt.
▪ Sé grænmeti soðið í vatni er það sett í sjóðandi vatn með örlitlu salti.
▪ Gott er að nýta soðið í sósur og súpur.
▪ Soðið grænmeti á að bera fram strax að lokinni suðu.
Frysting
Hægt er að frysta flestar tegundir grænmetis. Það þarf að vera ferskt. Gott að notafæra sér þegar tilboð eru á dýrari tegundum grænmetis og kaupa ríflega inn og frysta.
Allt grænmeti sem á að frysta þarf að forsjóða, nema papriku og spergilkál.
Forsuðutími t.d. á blómkáli 4-5 mín. blaðlauki 2 mín. Gulrótum 5-6 mín. (fer eftir stærð). Eftir forsuðu þarf að kæla grænmetið hratt, vatnið látið renna vel af, pakkað og merkt og sett strax í fryst.
Vel er hægt að frysta unnið rauðkál.
Geymsluþol grænmetis í frysti er að jafnaði 10-12 mánuðir.      

Ég hef ekki prófað að frysta rófur enda voru þessar svo litlar að þær voru bara borðaðar strax.

Þetta er hjálmlaukurinn sem ég fékk eftir sumarið mjög gott að nota hann í allskonar piklis.

Nú er um að gera að prófa að frysta grænmetið ef þið fáið það á góðu verði það er gott að grípa í það úr frysti í súpur og gratín eða bara sem meðlæti.