Kartöflur eru skemmtilegt hráefni.

-

Ég rakst á bók á bókasafninu sem heitir MEÐLÆTI og er eftir Charlotte Gronlykke og þessari bók stendur:
Kartaflan er ekki bara troðfull af c-vítamínum heldur er hún tilvalin til þess að miðla sósunni. Þar að auki býr hún yfir mörgum öðrum hæfileikum. Það er nefnilega hægt að matreiða hana á svo margan hátt: Steikja, sjóða, búa til franskar, marinera og baka í ofni.
Þessi bók er með fjölmargar skemmtilegar uppskriftir af kartöflum og öðru meðlæti og  ég mæli með henni.




Eins og ég sagði í nýlegri færslu þá fékk ég óvænta kartöfluuppskeru og það var bara gaman, en á haustin þegar kartöfluuppskeran er í hámarki er svo gott að borða þessar elskur bara soðnar með hýðinu og smá smjörklípu namm namm en það er líka gaman að prófa eitthvað nýtt og ég læt fylgja hérna uppskriftir úr bókinni.




Kartöflu-rösti með Timjan                      
4 bökunarkartöflur
1 laukur
1 búnt timjan
Ólífuolía
Salt og pipar
Hitið olíu á pönnu og steikið laukinn þar til hann verður glær. Takið  hann af pönnunni og geymið. Afhýðið og rífið kartöflurnar á rifjárni og þerrið þær aðeins með eldhúspappír. Blandið þeim saman við timjan, lauk, salt og pipar. Skiptið kartöfluhrærunni í fjóra skammta og steikið einn í einu í olíunni þar til þeir eru orðnir brúnir og stökkir. Það er líka hægt að steikja hræruna í einu lagi og skera í skammta eftir að hún er tilbúin .. tekur 30 mín.



Ég átti ekki neinar skemmtilegar myndir í þetta sinn

  Kartöflumús með sýrðum rjóma, smjöri og graslauk.
1 kg stórar kartöflur
2 ½ dl sýrður rjómi 18%
1 búnt graslaukur
Salt, pipar

Kartöflurnar afhýddar og skornar í bita. Sjóða í ósöltuðu vatni í u.þ.b. 20 mín. Hellið vatninu af kartöflunum og látið þær þorna í pottinum við lagan hita. Búið til kartöflumús, það gerir ekkert til þótt músin verði svolítið kekkjótt.
Bætið sýrða rjómanum og smjörinu saman við og hrærið ásamt niðurklipptum graslauknum. Bragðbætið með salti og pipar. tekur 40 mín.


Ofnbakaðar Beikonkartöflur
1 kg miðlungsstórar kartöflur
1 bréf beikon í sneiðum
10 salvíulauf
1 ½ laukur
½ l kjúklingasoð
Smjúkt smjör
Salt-pipar    tími 1 ½  200 gráður
Hitið ofninn í 200 gr. Skerið beikonið í þunna strimla og saxið laukinn smátt. Steikið beikonið í ögn af olíu og bætið lauknum saman við. Látið steikjast þar til þetta er gullið og bætið þá salvíuni við. Kartöflurnar eru afhýddar og skornar í sneiðar. Smyrjið eldfast mót vel með smjöri og setjið eitt lag af kartöflum í botninn, saltið og piprið og setjið svolítið af beikon og laukblöndunni ofan á. Endurtakið þetta nokkrum sinnum. Áður en síðasta lagið er sett er kjúklingasoðinu dreift yfir kartöflurnar. Setjið svo síðasta lagið af kartöflum, saltið og piprið. Setjið nokkar klípur af smjöri ofan á. Setjið í heitan ofninn og bakið í klukkustund.

Svo er bara að gera tilraunir með kartöflurnar þá verða oft skemmtilegar uppskriftir til.

Comments

Post a Comment

Popular posts from this blog

Gúrka, gúrka, gúrka

-
Image
   Það er stundum talað um gúkutíð þegar lítið er í fréttum og þannig er það búið að vera hjá mér að undanförnu hef ekki skifað í nokkra daga vegna annríkis og andleysis og þannig er það bara stundum hjá okkur í lífinu og er bara allt í lagi :) En ég gerði súrar gúrkur um daginn því að ég átti agúrku sem var að verða leiðinleg ( tala nú ekki við gúrkurnar mínar) ég meina hún var aðeins byrjuð að verða lin. Ein krukka af sýrðri  gúrku: 1 agúrka 2 dl. borðedik 1 dl. vatn 3 msk. sykur  3 lárviðarlauf 3-4 negulnaglar nokkur svört piparkorn 3 bitar af anis  set oft eina anis stjörnu en núna átti ég bara rest og enga heila, setti í pott  allt nema gúrkurnar og sauð það í c.a 10 mín til að fá bragðið fram og sótthreinsaði krukku með sjóðandi vatni og setti gúrkurnar í hana. Þegar lögurninn var aðeins farinn að kólna þá hellti ég honum í krukkuna og kældi alveg og setti svo í ísskáp, það er svo gott að eiga þetta með mat eða á s...
Read more

Kindalund og dásamleg stund !!!!

-
Image
 Mér datt í hug að kaupa kindalundir á tilboði í Krónunni og ætlaði bara að elda þær á þennan venjulega hátt en  þegar ég var búin að opna pakkann þá fannst mér þetta svo lítill matur og ákvað því að gera eitthvað annað úr þeim og þá varð þessi til og hann bragðast bara mjög vel. Þatta var 560 gr. kindalund 3 hvítlauksrif 2 tsk púðursykur 3 msk sojasósa 2 msk sesamfræ 1 biti eins og þumal nögl af fersku engifer Sósan til að marinera kjötið í gerði ég svona: Setti sojasósu í skál og kreysti hvítlauk út í hana og næst setti ég svo púðursykur, hrærði þetta saman og reif síðan engiferið út í. Skar kjötið í góðar sneiðar og setii það síðan út í sósuna og hrærði í því. Bætti svo sesamfræjunum út í og hrærði þetta vel saman með höndunum og lét kjötið liggja í þessu í 2 tíma. Grænmetið sem fór út í réttinn: 3 meðal stórar gulrætur 1/2 púrrulaukur 1 rauð paprika ( var með mjóa langa ) 1/2 zucchini Setti 1 tsk af olíu á wok pönnu og sk...
Read more

Sveita og hjónabandssæla !!!!!

-
Image
Við hjónaleysin brugðum undir okkur betra fætinum um helgina og fórum að veiða byrjuðum í Langavatni í Borgarbyggð og vorum þar eina nótt og tókum þrjá fiska með okkur þaðan. Fórum svo í Hlíðavatn í Hnappadal og þar tók bóndinn einn fisk en ég fór með öngulinn í rassinum heim en það er svo fallegt á báðum þessum stöðum og veðrið var svo fallegt að ég var alsæl. Þessi mynd að ofan er tekin þegar við vorum á leiðinni úr Hlíðavatni og ég er alltaf jafn heilluð af þessu útsýni. Í gærkvöldi var ég orðin ansi þreitt þegar við hættum og háttaði mig úr öllum gallanum í einu og fannst þetta svo fyndið þegar ég sá gallan liggja á rúminu að ég mátti til að smella mynd af honum, þetta er náttúrulega sérstakur hæfileiki að geta háttað sig svona. :) Á heimleiðinni í dag á afmælisdegi bóndans fórum við að Hítarvatni í Hítardal og það er alveg ótrúlega fallegt þar og mikið af fólki við drukkum bara kaffi og fegurðina í okkur og fórum svo heim á leið. Það var að leggjast yfir þokaslæði...
Read more