Fjársjóður sem falin var og súpu grey !

-
 Það er komið sumarfrí og það rignir og rignir og lítið hægt að gera í garðinum og þá er um að gera að finna sér einhver önnur verkefni t.d ganga frá peysum sem búið er að prjóna endi hér og spotti þar og svo fór ég í fatarherbergið og skoðaði hvað væri það að finna :) og setti í svartan poka það sem á að fara í Rauðakrossinn já manni þarf ekkert að leiðast.

Ég fann þennan græna prjónakjól sem ég kláraði í firra vor og gekk svo frá innst í fataherberginu af því að það var að koma sumar og svo gleymdi ég bara að hann væri til en núna setti ég hann framar þannig að ég get notað hann í vetur..gaman, gaman 

Kláraði þessa peysu í morgun en á eftir að kaupa rennilás í hana veit ekki hver á að fá hana það kemur bara í ljós.


Ég verð eins og stöðvunarskyldu merki í þessari í  kápupeysu sem drifið var í að klára og mér verður örugglea hlýtt í henni næsta vetur og engin hætta að fólk sjái mig ekki :)


Þessi kragi varð á vegi mínum þegar ég var að taka stöðuna á lopa birgðum og það var bara smávegis sem átti eftir að gera til að klára hann svo ég dreif í því er að hugsa um að gefa einni systur minni hann þetta eru hennar litir og hún er mikil útivistarkona.



Eldaði  súpu í kvöld þótt það sé hásumar og ekki þriðjudagur og bakaði skonsur með henni og þessi súpa var bara fundin upp á staðnum og var mjög góð og ég ætla að reyna að rifja upp það sem ég setti í hana ef einhver vill prófa, ég gerði fyrir 6 því að það verður gott að hita hana upp á morgun og svo frysti ég oft afganga af súpum til að eiga síðar mjög þægilegt.
Ég tók ekki mynd af hráefnunum af því að ég ætlaði ekkert að setja hana inn en hér kemur það sem í hana fór:

1 stór sæt kartafla
3 hvítlauksrif
1 laukur
2 tómatar
1 dl chilisashet sósu ( keypt í Ikea)
2 msk tómatsósa
3 teningar nautakraftur
1 maisstöngull
1 tsk túrmek
1 tsk pipar
1 tsk salt
1 líter af vatni

beikon biti smátt saxaður (var með stóran bita sem ég keypti í Kjöthöllinni og skar smá stikki af honum alvöru beikon)

Stetti smá olíu í pott og út í hana setti ég kryddið, laukinn smátt saxaðan, hvítlaukinn pressaðan, smátt skorið beikonið og slét þetta svitna vel í gegn c.a. 5 mín. Þá skar ég tómatana smátt ( tók af þeim hýðið) og bætti svo sósunni út í og lét þetta aðeins samlagast og þá fór sæta kartaflan út í en hún var skorin í bita.

Þá bætti ég vatninu og teningunum út í og lét suðuna koma upp og svo sauð ég þetta á vægum hita í 45 mín á meðan ég bakaði skonsurnar. Ég átti einn frosinn maisstöngul og lét suðuna koma upp á honum og svo skar ég utan af honum og bætti honum út í ásamt tómatsósunni og let þetta malla í 10 mín við vægan hita.

Tók hluta af grænmetinu uppúr og setti í skál og notaði töfrasprotann til að mauka það og bætti því svo aftur út í svo er um að gera að smakka súpuna bara til og bæta meira kryddi ef þurfa þykir.

Svo ætla ég bara að halda áfram að gramsa  í skúffum og skápum og aldrei að vita hvaða fjársjóðir verða á vegi mínum, spennandi ekki satt :)


Comments

Post a Comment

Popular posts from this blog

Gúrka, gúrka, gúrka

-
Image
   Það er stundum talað um gúkutíð þegar lítið er í fréttum og þannig er það búið að vera hjá mér að undanförnu hef ekki skifað í nokkra daga vegna annríkis og andleysis og þannig er það bara stundum hjá okkur í lífinu og er bara allt í lagi :) En ég gerði súrar gúrkur um daginn því að ég átti agúrku sem var að verða leiðinleg ( tala nú ekki við gúrkurnar mínar) ég meina hún var aðeins byrjuð að verða lin. Ein krukka af sýrðri  gúrku: 1 agúrka 2 dl. borðedik 1 dl. vatn 3 msk. sykur  3 lárviðarlauf 3-4 negulnaglar nokkur svört piparkorn 3 bitar af anis  set oft eina anis stjörnu en núna átti ég bara rest og enga heila, setti í pott  allt nema gúrkurnar og sauð það í c.a 10 mín til að fá bragðið fram og sótthreinsaði krukku með sjóðandi vatni og setti gúrkurnar í hana. Þegar lögurninn var aðeins farinn að kólna þá hellti ég honum í krukkuna og kældi alveg og setti svo í ísskáp, það er svo gott að eiga þetta með mat eða á s...
Read more

Kindalund og dásamleg stund !!!!

-
Image
 Mér datt í hug að kaupa kindalundir á tilboði í Krónunni og ætlaði bara að elda þær á þennan venjulega hátt en  þegar ég var búin að opna pakkann þá fannst mér þetta svo lítill matur og ákvað því að gera eitthvað annað úr þeim og þá varð þessi til og hann bragðast bara mjög vel. Þatta var 560 gr. kindalund 3 hvítlauksrif 2 tsk púðursykur 3 msk sojasósa 2 msk sesamfræ 1 biti eins og þumal nögl af fersku engifer Sósan til að marinera kjötið í gerði ég svona: Setti sojasósu í skál og kreysti hvítlauk út í hana og næst setti ég svo púðursykur, hrærði þetta saman og reif síðan engiferið út í. Skar kjötið í góðar sneiðar og setii það síðan út í sósuna og hrærði í því. Bætti svo sesamfræjunum út í og hrærði þetta vel saman með höndunum og lét kjötið liggja í þessu í 2 tíma. Grænmetið sem fór út í réttinn: 3 meðal stórar gulrætur 1/2 púrrulaukur 1 rauð paprika ( var með mjóa langa ) 1/2 zucchini Setti 1 tsk af olíu á wok pönnu og sk...
Read more

Sveita og hjónabandssæla !!!!!

-
Image
Við hjónaleysin brugðum undir okkur betra fætinum um helgina og fórum að veiða byrjuðum í Langavatni í Borgarbyggð og vorum þar eina nótt og tókum þrjá fiska með okkur þaðan. Fórum svo í Hlíðavatn í Hnappadal og þar tók bóndinn einn fisk en ég fór með öngulinn í rassinum heim en það er svo fallegt á báðum þessum stöðum og veðrið var svo fallegt að ég var alsæl. Þessi mynd að ofan er tekin þegar við vorum á leiðinni úr Hlíðavatni og ég er alltaf jafn heilluð af þessu útsýni. Í gærkvöldi var ég orðin ansi þreitt þegar við hættum og háttaði mig úr öllum gallanum í einu og fannst þetta svo fyndið þegar ég sá gallan liggja á rúminu að ég mátti til að smella mynd af honum, þetta er náttúrulega sérstakur hæfileiki að geta háttað sig svona. :) Á heimleiðinni í dag á afmælisdegi bóndans fórum við að Hítarvatni í Hítardal og það er alveg ótrúlega fallegt þar og mikið af fólki við drukkum bara kaffi og fegurðina í okkur og fórum svo heim á leið. Það var að leggjast yfir þokaslæði...
Read more