Rabbabari og rúna snúna...

-
 Rabbabarinn er orðinn svo stór og girnilegur þessa dagana og ég ákvað að fara út í garð og ná mér í stilka á sunnudaginn og prófa uppskrift af rabbabaraböku til að hafa í eftirrétt.

Uppskrriftin:
2 bollar rabbabari í bitum
1 bolli eplabitar
4 msk hveiti
4 msk haframjöl
2 msk púðursykur
1 msk sakaðar valhnetur
1 tsk kanill
2 msk sykur
2 msk smjör
2 msk sýróp
1/2 tsk salt

 

Skar rabbabarann í sneiðar og eplin í bita

                                                  Setti epli og rabbabara í skál
Í aðra skál setti ég restina af hráefninu og hrærði því saman með gaffli og svo hnoðaði ég það saman með höndunum í restina þar til deigið loddi vel saman

Saxaði hnetukjarnana og setti út í í lokin ( frekar óskýrar myndir hjá mér )
Að lokum voru eplabitarnir og rabbabarinn sett í botninn á eldföstumóti og dreift vel úr þeim og svo var deiginu dreift vel yfir og þetta bakaði ég í 45 mín í 220 gr.heitum ofni og þetta var mjög gott deigið varð krönsí og ávextirnir aðeins mjúkir og safaríkir og með þessu var þeittur rjómi.

Ég átti frosinn rabbabara frá því í haust og ákvað að sjóða smá sultu úr honum og setti einn nýjan stöngul með þeim frosnu og setti þetta í pott og sykur út í og lét þetta malla í 2-3 tíma því að þegar rabbabarinn hefur frosið þá myndast mikið vatn í honum og ég hellti smávegis af því úr pottinum í byrjun.

Ég átti líka þrjár plómur og ákvað að prófa að sjóða úr þeim mauk bara svona til gamans en ég er með plómutré út í garði. Ég tók hýðið af þeim og skar þær í bita og setti í pott með smá sykri í og lét þær sjóða við vægan hita í klukkutíma og þetta varð hið besta mauk en það þarf að nota töfrasprota eða matvinnsluvél til að mauka þær en það tók því ekki af því að þetta var svo lítið.
Þetta er hún rúna snúna ég keypti púrrulauk um daginn og skar edan af og setti í vatn og uppúr þessu fór að vaxa ný blöð svolítið snúin og ég ætla að setja þetta í laukgarðinn minn og vita hvað verður úr þessu.
Ég rakst á skemmtilega síðu á netinu
Alaska from Scratch og þar var uppskrift af góðum drykk úr rabbabara og jarðarberjum gaman að breyta til og prófa eitthvað nýtt þegar sólin fer að sýna sig. Ég þarf að taka upp meira af rabbabara á næstunni og gera eitthvað gott úr því og læt kannski uppskriftir hérna inn.

Comments

Post a Comment

Popular posts from this blog

Gúrka, gúrka, gúrka

-
Image
   Það er stundum talað um gúkutíð þegar lítið er í fréttum og þannig er það búið að vera hjá mér að undanförnu hef ekki skifað í nokkra daga vegna annríkis og andleysis og þannig er það bara stundum hjá okkur í lífinu og er bara allt í lagi :) En ég gerði súrar gúrkur um daginn því að ég átti agúrku sem var að verða leiðinleg ( tala nú ekki við gúrkurnar mínar) ég meina hún var aðeins byrjuð að verða lin. Ein krukka af sýrðri  gúrku: 1 agúrka 2 dl. borðedik 1 dl. vatn 3 msk. sykur  3 lárviðarlauf 3-4 negulnaglar nokkur svört piparkorn 3 bitar af anis  set oft eina anis stjörnu en núna átti ég bara rest og enga heila, setti í pott  allt nema gúrkurnar og sauð það í c.a 10 mín til að fá bragðið fram og sótthreinsaði krukku með sjóðandi vatni og setti gúrkurnar í hana. Þegar lögurninn var aðeins farinn að kólna þá hellti ég honum í krukkuna og kældi alveg og setti svo í ísskáp, það er svo gott að eiga þetta með mat eða á s...
Read more

Kindalund og dásamleg stund !!!!

-
Image
 Mér datt í hug að kaupa kindalundir á tilboði í Krónunni og ætlaði bara að elda þær á þennan venjulega hátt en  þegar ég var búin að opna pakkann þá fannst mér þetta svo lítill matur og ákvað því að gera eitthvað annað úr þeim og þá varð þessi til og hann bragðast bara mjög vel. Þatta var 560 gr. kindalund 3 hvítlauksrif 2 tsk púðursykur 3 msk sojasósa 2 msk sesamfræ 1 biti eins og þumal nögl af fersku engifer Sósan til að marinera kjötið í gerði ég svona: Setti sojasósu í skál og kreysti hvítlauk út í hana og næst setti ég svo púðursykur, hrærði þetta saman og reif síðan engiferið út í. Skar kjötið í góðar sneiðar og setii það síðan út í sósuna og hrærði í því. Bætti svo sesamfræjunum út í og hrærði þetta vel saman með höndunum og lét kjötið liggja í þessu í 2 tíma. Grænmetið sem fór út í réttinn: 3 meðal stórar gulrætur 1/2 púrrulaukur 1 rauð paprika ( var með mjóa langa ) 1/2 zucchini Setti 1 tsk af olíu á wok pönnu og sk...
Read more

Sveita og hjónabandssæla !!!!!

-
Image
Við hjónaleysin brugðum undir okkur betra fætinum um helgina og fórum að veiða byrjuðum í Langavatni í Borgarbyggð og vorum þar eina nótt og tókum þrjá fiska með okkur þaðan. Fórum svo í Hlíðavatn í Hnappadal og þar tók bóndinn einn fisk en ég fór með öngulinn í rassinum heim en það er svo fallegt á báðum þessum stöðum og veðrið var svo fallegt að ég var alsæl. Þessi mynd að ofan er tekin þegar við vorum á leiðinni úr Hlíðavatni og ég er alltaf jafn heilluð af þessu útsýni. Í gærkvöldi var ég orðin ansi þreitt þegar við hættum og háttaði mig úr öllum gallanum í einu og fannst þetta svo fyndið þegar ég sá gallan liggja á rúminu að ég mátti til að smella mynd af honum, þetta er náttúrulega sérstakur hæfileiki að geta háttað sig svona. :) Á heimleiðinni í dag á afmælisdegi bóndans fórum við að Hítarvatni í Hítardal og það er alveg ótrúlega fallegt þar og mikið af fólki við drukkum bara kaffi og fegurðina í okkur og fórum svo heim á leið. Það var að leggjast yfir þokaslæði...
Read more