Pönnukökur, súkkulaði og sól þurrkuð lopapeysa!

-


Ég bakaði pönnukökur í dag með kaffinu eins og svo oft áður á sunnudögum þær eru alltaf jafn góðar  í dag settum við banana, súkkulaði, íslensk jarðaber og rjóma á þær og það er alveg ótrúlega gott.

Það eru komin blóm á jarðaberja plönturnar mínar og þau verða að berjum en það er eitthvað í að berin verði tilbúin  svo ég keypti bara íslensk jarðaber að mínu mati eru þau miklu betri en þau útlendu.

Ég notaði nutella súkkulaði í dag en ég hef líka brætt súkkulaði til að setja á pönnukökur það er líka mjög gott.

Ég nota aldrei uppskrift af pönnukökum en ætla að láta eina gamla og góða fylgja hérna með:
250 gr. hveiti
1/2 tsk lyftiduft
25 gr. smjör ( ég nota olíu)
1/2 ltr mjólk
salt, sykur, ( ég set yfirleitt kardimommu dropa í mínar eða vanillu dropa )
2 egg,
Í hveitið er blandað saltinu, sykrinum og lyftiduftinu. 25 gr brætt smjör vætt með helmingi mjólkurinnar. Þá eru eggin hrærð saman við og síðast það, sem eftir er að mjólkinni. Bakað á heitri pönnuköku pönnu

 Uppskriftin  er úr bókinni bökum í heimahúsum eftir Helgu Sigurðardóttur en þessi bók var gefin út 1936 og það stendur á henni 2. útgáfa aukin og endurbætt.


Má til með að setja þetta inn líka fannst þetta svo skemmtilegt langamma dætra minna gaf mér þessa bók og það er fullt af fínum uppskriftum í henni.

Það kom að því  að ég nennti  að þvo peysuna sem ég var að klára og það var algjört æði að geta bara þurrkað hana út  í sólinni í dag. Nú þarf ég að drífa mig að setja í hana rennilás en hún Alma mín vill endilega fá að eiga þessa peysu og ég er búin að prjóna húfu í stíl og hún ætlar að skarta þessu á Rauðasandi um næstu helgi og ætli það veiti nokkuð að því að vera vel klæddur í útilegunni.

Ég er búin að prjóna húfu á hana Helgu mína  hún er vínrauð og það er spurning hvort hún vilji peysu í stíl við sína húfu en ég næ nú ekki að prjóna hana fyrir Rauðasand þótt ég sé nú smá biluð í prjónaskapnum :)

Ég vona að allir eigi góða viku framundan hvort sem þeir eru í sumarfríi, að vinna eða gera eitthvað annað :)




Comments

Post a Comment

Popular posts from this blog

Gúrka, gúrka, gúrka

-
Image
   Það er stundum talað um gúkutíð þegar lítið er í fréttum og þannig er það búið að vera hjá mér að undanförnu hef ekki skifað í nokkra daga vegna annríkis og andleysis og þannig er það bara stundum hjá okkur í lífinu og er bara allt í lagi :) En ég gerði súrar gúrkur um daginn því að ég átti agúrku sem var að verða leiðinleg ( tala nú ekki við gúrkurnar mínar) ég meina hún var aðeins byrjuð að verða lin. Ein krukka af sýrðri  gúrku: 1 agúrka 2 dl. borðedik 1 dl. vatn 3 msk. sykur  3 lárviðarlauf 3-4 negulnaglar nokkur svört piparkorn 3 bitar af anis  set oft eina anis stjörnu en núna átti ég bara rest og enga heila, setti í pott  allt nema gúrkurnar og sauð það í c.a 10 mín til að fá bragðið fram og sótthreinsaði krukku með sjóðandi vatni og setti gúrkurnar í hana. Þegar lögurninn var aðeins farinn að kólna þá hellti ég honum í krukkuna og kældi alveg og setti svo í ísskáp, það er svo gott að eiga þetta með mat eða á s...
Read more

Kindalund og dásamleg stund !!!!

-
Image
 Mér datt í hug að kaupa kindalundir á tilboði í Krónunni og ætlaði bara að elda þær á þennan venjulega hátt en  þegar ég var búin að opna pakkann þá fannst mér þetta svo lítill matur og ákvað því að gera eitthvað annað úr þeim og þá varð þessi til og hann bragðast bara mjög vel. Þatta var 560 gr. kindalund 3 hvítlauksrif 2 tsk púðursykur 3 msk sojasósa 2 msk sesamfræ 1 biti eins og þumal nögl af fersku engifer Sósan til að marinera kjötið í gerði ég svona: Setti sojasósu í skál og kreysti hvítlauk út í hana og næst setti ég svo púðursykur, hrærði þetta saman og reif síðan engiferið út í. Skar kjötið í góðar sneiðar og setii það síðan út í sósuna og hrærði í því. Bætti svo sesamfræjunum út í og hrærði þetta vel saman með höndunum og lét kjötið liggja í þessu í 2 tíma. Grænmetið sem fór út í réttinn: 3 meðal stórar gulrætur 1/2 púrrulaukur 1 rauð paprika ( var með mjóa langa ) 1/2 zucchini Setti 1 tsk af olíu á wok pönnu og sk...
Read more

Sveita og hjónabandssæla !!!!!

-
Image
Við hjónaleysin brugðum undir okkur betra fætinum um helgina og fórum að veiða byrjuðum í Langavatni í Borgarbyggð og vorum þar eina nótt og tókum þrjá fiska með okkur þaðan. Fórum svo í Hlíðavatn í Hnappadal og þar tók bóndinn einn fisk en ég fór með öngulinn í rassinum heim en það er svo fallegt á báðum þessum stöðum og veðrið var svo fallegt að ég var alsæl. Þessi mynd að ofan er tekin þegar við vorum á leiðinni úr Hlíðavatni og ég er alltaf jafn heilluð af þessu útsýni. Í gærkvöldi var ég orðin ansi þreitt þegar við hættum og háttaði mig úr öllum gallanum í einu og fannst þetta svo fyndið þegar ég sá gallan liggja á rúminu að ég mátti til að smella mynd af honum, þetta er náttúrulega sérstakur hæfileiki að geta háttað sig svona. :) Á heimleiðinni í dag á afmælisdegi bóndans fórum við að Hítarvatni í Hítardal og það er alveg ótrúlega fallegt þar og mikið af fólki við drukkum bara kaffi og fegurðina í okkur og fórum svo heim á leið. Það var að leggjast yfir þokaslæði...
Read more