Hálfnað verk þá hafið er !!

-
Byrjaðu. Hálfnað verk þá hafið er. Þá er helmingurinn enn eftir. Byrjaðu aftur og þú hefur lokið verkinu. - Ausonius
Já það er mikill sannleikur í þessum orðum og í dag fórum við í það að setja niður grænmeti í garðinn okkar og við settum niður: rauðkál, hvítkál, spergilkál, blómkál, kínverskt kál sem ég man ekki hvað heitir, rauðrófur, gulrófur, gulrætur, marglitar gulrætur, sellerí, púrrulauk og tvær gerðir af baunum.
Í kryddjurta kassan er komið: kóríander, timian, íslenskt blóðberg,ítölsk steinselja, hrokkin steinselja, rósmarín, oregano, dill.

Það er líka komið salat í kassan minn og það er blandað salat og ég er farin að nota blöð af því svo er það venjulegt blaðsalat og rucola namm namm.

Það voru lika sett sumarblóm í körfurnar við útidyrnar og í kerin líka

 Það eru samt mörg handtökin eftir og ég ætla að fara í beðin í fyrramálið ef það rignir ekki mikið á eftir að setja stjúpurnar og sólboðan í ker undir stofuglugganum og það er líka nóg af illgresi sem ég þarf að taka og þegar það er búið þá er fyrsta umferð sumarsins búin og þá er hægt að snúa sér að veiðinni þangað til næsta yfir ferð hefst.
Ég kíkti á jarðaberin og var að gefa þeim næringu og gat ekki betur séð en það sé að byrja að koma blóm á eitthvað af þeim og þau verða svo að berjum. Rabbabarinn er líka búinn að taka kipp og ég er að hugsa um að gera eitthvað gott úr honum á morgun og læt það þá hérna inn.

Við verðum bara dugleg að borða salat og kryddjurtir þangað til matjurtirnar fara að gefa af sér það er ekkert skemmtilegra en að taka upp fyrstu uppskeruna á haustin.

Ég vona að þið hafið átt jafn skemmtilegan og blómlegan dag og ég í dag.

Comments

Post a Comment

Popular posts from this blog

Gúrka, gúrka, gúrka

-
Image
   Það er stundum talað um gúkutíð þegar lítið er í fréttum og þannig er það búið að vera hjá mér að undanförnu hef ekki skifað í nokkra daga vegna annríkis og andleysis og þannig er það bara stundum hjá okkur í lífinu og er bara allt í lagi :) En ég gerði súrar gúrkur um daginn því að ég átti agúrku sem var að verða leiðinleg ( tala nú ekki við gúrkurnar mínar) ég meina hún var aðeins byrjuð að verða lin. Ein krukka af sýrðri  gúrku: 1 agúrka 2 dl. borðedik 1 dl. vatn 3 msk. sykur  3 lárviðarlauf 3-4 negulnaglar nokkur svört piparkorn 3 bitar af anis  set oft eina anis stjörnu en núna átti ég bara rest og enga heila, setti í pott  allt nema gúrkurnar og sauð það í c.a 10 mín til að fá bragðið fram og sótthreinsaði krukku með sjóðandi vatni og setti gúrkurnar í hana. Þegar lögurninn var aðeins farinn að kólna þá hellti ég honum í krukkuna og kældi alveg og setti svo í ísskáp, það er svo gott að eiga þetta með mat eða á s...
Read more

Kindalund og dásamleg stund !!!!

-
Image
 Mér datt í hug að kaupa kindalundir á tilboði í Krónunni og ætlaði bara að elda þær á þennan venjulega hátt en  þegar ég var búin að opna pakkann þá fannst mér þetta svo lítill matur og ákvað því að gera eitthvað annað úr þeim og þá varð þessi til og hann bragðast bara mjög vel. Þatta var 560 gr. kindalund 3 hvítlauksrif 2 tsk púðursykur 3 msk sojasósa 2 msk sesamfræ 1 biti eins og þumal nögl af fersku engifer Sósan til að marinera kjötið í gerði ég svona: Setti sojasósu í skál og kreysti hvítlauk út í hana og næst setti ég svo púðursykur, hrærði þetta saman og reif síðan engiferið út í. Skar kjötið í góðar sneiðar og setii það síðan út í sósuna og hrærði í því. Bætti svo sesamfræjunum út í og hrærði þetta vel saman með höndunum og lét kjötið liggja í þessu í 2 tíma. Grænmetið sem fór út í réttinn: 3 meðal stórar gulrætur 1/2 púrrulaukur 1 rauð paprika ( var með mjóa langa ) 1/2 zucchini Setti 1 tsk af olíu á wok pönnu og sk...
Read more

Sveita og hjónabandssæla !!!!!

-
Image
Við hjónaleysin brugðum undir okkur betra fætinum um helgina og fórum að veiða byrjuðum í Langavatni í Borgarbyggð og vorum þar eina nótt og tókum þrjá fiska með okkur þaðan. Fórum svo í Hlíðavatn í Hnappadal og þar tók bóndinn einn fisk en ég fór með öngulinn í rassinum heim en það er svo fallegt á báðum þessum stöðum og veðrið var svo fallegt að ég var alsæl. Þessi mynd að ofan er tekin þegar við vorum á leiðinni úr Hlíðavatni og ég er alltaf jafn heilluð af þessu útsýni. Í gærkvöldi var ég orðin ansi þreitt þegar við hættum og háttaði mig úr öllum gallanum í einu og fannst þetta svo fyndið þegar ég sá gallan liggja á rúminu að ég mátti til að smella mynd af honum, þetta er náttúrulega sérstakur hæfileiki að geta háttað sig svona. :) Á heimleiðinni í dag á afmælisdegi bóndans fórum við að Hítarvatni í Hítardal og það er alveg ótrúlega fallegt þar og mikið af fólki við drukkum bara kaffi og fegurðina í okkur og fórum svo heim á leið. Það var að leggjast yfir þokaslæði...
Read more