Það er betra að baka skinkuhorn heldur en að hafa horn í síðu einhvers !

-
Þessi bók Ostalyst var gefin út af osta- og smjörsölunni sf 1988 og er því að verða antík ;)  Ég hef notað hana reglulega, það er svo skrítið hvernig ég tek ástfóstri við sumar matreiðslubækur og læt svo aðrar sem ég á alveg í friði ekki veit ég hvað veldur. En uppskriftin af skinkuostahornunum sem ég bakaði er í henni og ég læt hana fylgja hér:


Deig:
100 gr smjör
1/2 líter mjólk
1 pakki þurrger
60 gr sykur
1/2 tsk salt
900 gr hveiti

Hitið mjólk og smjör við vægan hita, hellið þessu í skál og sáldrið gerinu yfir og hrærið það vel saman við vökvann. Bætið salti og sykri út í ásamt hluta af hveitinu ( ég tók frá 1/3 ).

Þessu er hrært saman í skálinni með sleif og þegar deigið loðir vel saman breiðið þá klút yfir það og setið það á hlýjan stað og látið það lyfta sér í 30 mín.

Restini af hveitinu bætt við smátt og smátt,  ekki víst að þið þurfið að nota það allt ég gerði það ekki.
 Hvoldi deiginu á borð og hnoðaði það passa bara að hnoða ekki of mikið þá verða hornin seig.

Síðan skipti ég deiginu í 5 hluta hver um sig var tæplega 300 gr.


Síðan er hver biti flattur út í kringlótta köku og hún skorin í 8 geira



Því næst er fyllingin sett á og ég var að þessu sinni með skinkubita og paprikusmurost en ég hef prófað allar tegundir af ostum og stundum sett pepparóní bita inn í hornin um að gera að prófa sig áfram. 
Byrja að rúlla þeim upp frá breiðari endanum

halda svo áfram að rúlla 



Þangað til þau líta svona út og það er gaman að hafa hornin falleg í laginu það skiptir líka máli setjið þau afur á hlýjan stað undir klút og látið hefast í 30-40 mín. ( ég hafði þau í 40 )


Sett á bökunar plötu með smjörpappír og þau eru pensluð með þeyttu eggi með smá mjólk út í og svo stráði ég birkifræjum ofan á það má líka setja salt ef einhver vill eða annað korn.

Hornin eru bústin og mjúk og alveg ótrúlega mjúk og góð og sóma sér vel hvort heldur er í útileguna eða veisluna,

Úr þessari uppskrift fékk ég 40 bústin og falleg horn en það er líka vinsælt í veislum að gera lítil horn rétt munnbita og þá fær maður 100 og eitthvað horn úr þessari uppskrift sem stendur alltaf fyrir sínu.


Að hafa horn í síðu einhves þýðir að ég er ekki alveg sátt við manneskjuna og ég er nú svo heppin að það er ekki fólk í kringum mig sem ég þarf að vera að hornast við.

En það er samt alltaf svo að okkur líkar misvel við fólk og því við okkur og það er í góðu lági.

Comments

Post a Comment

Popular posts from this blog

Gúrka, gúrka, gúrka

-
Image
   Það er stundum talað um gúkutíð þegar lítið er í fréttum og þannig er það búið að vera hjá mér að undanförnu hef ekki skifað í nokkra daga vegna annríkis og andleysis og þannig er það bara stundum hjá okkur í lífinu og er bara allt í lagi :) En ég gerði súrar gúrkur um daginn því að ég átti agúrku sem var að verða leiðinleg ( tala nú ekki við gúrkurnar mínar) ég meina hún var aðeins byrjuð að verða lin. Ein krukka af sýrðri  gúrku: 1 agúrka 2 dl. borðedik 1 dl. vatn 3 msk. sykur  3 lárviðarlauf 3-4 negulnaglar nokkur svört piparkorn 3 bitar af anis  set oft eina anis stjörnu en núna átti ég bara rest og enga heila, setti í pott  allt nema gúrkurnar og sauð það í c.a 10 mín til að fá bragðið fram og sótthreinsaði krukku með sjóðandi vatni og setti gúrkurnar í hana. Þegar lögurninn var aðeins farinn að kólna þá hellti ég honum í krukkuna og kældi alveg og setti svo í ísskáp, það er svo gott að eiga þetta með mat eða á s...
Read more

Kindalund og dásamleg stund !!!!

-
Image
 Mér datt í hug að kaupa kindalundir á tilboði í Krónunni og ætlaði bara að elda þær á þennan venjulega hátt en  þegar ég var búin að opna pakkann þá fannst mér þetta svo lítill matur og ákvað því að gera eitthvað annað úr þeim og þá varð þessi til og hann bragðast bara mjög vel. Þatta var 560 gr. kindalund 3 hvítlauksrif 2 tsk púðursykur 3 msk sojasósa 2 msk sesamfræ 1 biti eins og þumal nögl af fersku engifer Sósan til að marinera kjötið í gerði ég svona: Setti sojasósu í skál og kreysti hvítlauk út í hana og næst setti ég svo púðursykur, hrærði þetta saman og reif síðan engiferið út í. Skar kjötið í góðar sneiðar og setii það síðan út í sósuna og hrærði í því. Bætti svo sesamfræjunum út í og hrærði þetta vel saman með höndunum og lét kjötið liggja í þessu í 2 tíma. Grænmetið sem fór út í réttinn: 3 meðal stórar gulrætur 1/2 púrrulaukur 1 rauð paprika ( var með mjóa langa ) 1/2 zucchini Setti 1 tsk af olíu á wok pönnu og sk...
Read more

Sveita og hjónabandssæla !!!!!

-
Image
Við hjónaleysin brugðum undir okkur betra fætinum um helgina og fórum að veiða byrjuðum í Langavatni í Borgarbyggð og vorum þar eina nótt og tókum þrjá fiska með okkur þaðan. Fórum svo í Hlíðavatn í Hnappadal og þar tók bóndinn einn fisk en ég fór með öngulinn í rassinum heim en það er svo fallegt á báðum þessum stöðum og veðrið var svo fallegt að ég var alsæl. Þessi mynd að ofan er tekin þegar við vorum á leiðinni úr Hlíðavatni og ég er alltaf jafn heilluð af þessu útsýni. Í gærkvöldi var ég orðin ansi þreitt þegar við hættum og háttaði mig úr öllum gallanum í einu og fannst þetta svo fyndið þegar ég sá gallan liggja á rúminu að ég mátti til að smella mynd af honum, þetta er náttúrulega sérstakur hæfileiki að geta háttað sig svona. :) Á heimleiðinni í dag á afmælisdegi bóndans fórum við að Hítarvatni í Hítardal og það er alveg ótrúlega fallegt þar og mikið af fólki við drukkum bara kaffi og fegurðina í okkur og fórum svo heim á leið. Það var að leggjast yfir þokaslæði...
Read more