Hvenær segir maður of mikið !

-

Þegar ég vaknaði í morgun ákvað ég að skrifa um það sem hefur verið að brjótast um í mér að undanförnu. Ég fór fram úr upp úr níu og fékk ég mér kaffi og ristaða beiglu og hugsaði mín mál, kannski er ég að segja of mikið hérna á blogginu um sjálfa mig og gera mig berskjaldaða  og ætti bara að halda mig við einhverjar mataruppskriftir . Ég hugsaði með mér " en ég hef ekkert að fela "  ég er nú ekki að segja alveg  allt sem gerist hjá mér :) þótt ég skrifi mínar hugrenningar öðru hvoru, þannig að ég ætla bara að halda þessu áfram.


Þetta blóm er að springa út í garðinum hjá mér er það ekki yndislegt og vafnvel þótt hann blási í dag og sé búinn að rigna þá er að hlýna í lofti ég finn það.

En aftur að  hugrenningum dagsins, ég hef verið að skoða sjálfa mig mikið eins og ég áður sagt hérna og er alltaf að komast að einhverju nýju um mig eins og t.d. það sem ég hef verið að hugsa um núna en það er að ég þarf að vanda mig betur í samskiptum og hverju ég er að lofa fólki og hætta að segja kannski, segja bara frekar já eða nei. Ég hef bara ekki verið að átta mig á því að ég greri þetta,  og mér þykir það mjög leitt, en eins og ég hef áður sagt það er aldrei of seint að breytast og bæta sig og það er svo gott að ég er þó búin að fatta þetta núna en ekki á elliheimilinu.

Ég held að ég geri þetta til að koma mér hjá því að særa fólk og þetta kemur örugglega úr frumbernsku  ég er að reyna að hafa alla góða í kringum mig.
Það er ekki hægt að hafa alla ánægða ég verð bara að æfa mig í því að segja bara beint nei ef ég hef ekki tíma í eitthvað og já ef ég ætla að gera eitthvað, ekki vera með hálfgildis loforð um allan bæ og vera svo yfir mig stressuð að geta ekki staðið við þau.
Ég er viss um að ég er ekki  eina mannveran í heiminum sem geri þetta og þetta er ósiður og algjör óþarfi og núna eig vinir og vandamenn bara eftir að heyra frá mér NEI NEI NEI og kannski eitt JÁ

ÉG VONA AÐ MÉR VERÐI FYRIRGEFIÐ ÉG ÆTLA ALLA VEGA AÐ FYRIRGEFA SJÁLFRI MÉR FYRIR ÞENNAN ÓSIÐ OG VINNA Í ÞVÍ AÐ BÆTA MIG Í SAMSKIPTUM EINS OG SVO MÖRGU ÖÐRU.




Comments

Post a Comment

Popular posts from this blog

Gúrka, gúrka, gúrka

-
Image
   Það er stundum talað um gúkutíð þegar lítið er í fréttum og þannig er það búið að vera hjá mér að undanförnu hef ekki skifað í nokkra daga vegna annríkis og andleysis og þannig er það bara stundum hjá okkur í lífinu og er bara allt í lagi :) En ég gerði súrar gúrkur um daginn því að ég átti agúrku sem var að verða leiðinleg ( tala nú ekki við gúrkurnar mínar) ég meina hún var aðeins byrjuð að verða lin. Ein krukka af sýrðri  gúrku: 1 agúrka 2 dl. borðedik 1 dl. vatn 3 msk. sykur  3 lárviðarlauf 3-4 negulnaglar nokkur svört piparkorn 3 bitar af anis  set oft eina anis stjörnu en núna átti ég bara rest og enga heila, setti í pott  allt nema gúrkurnar og sauð það í c.a 10 mín til að fá bragðið fram og sótthreinsaði krukku með sjóðandi vatni og setti gúrkurnar í hana. Þegar lögurninn var aðeins farinn að kólna þá hellti ég honum í krukkuna og kældi alveg og setti svo í ísskáp, það er svo gott að eiga þetta með mat eða á s...
Read more

Kindalund og dásamleg stund !!!!

-
Image
 Mér datt í hug að kaupa kindalundir á tilboði í Krónunni og ætlaði bara að elda þær á þennan venjulega hátt en  þegar ég var búin að opna pakkann þá fannst mér þetta svo lítill matur og ákvað því að gera eitthvað annað úr þeim og þá varð þessi til og hann bragðast bara mjög vel. Þatta var 560 gr. kindalund 3 hvítlauksrif 2 tsk púðursykur 3 msk sojasósa 2 msk sesamfræ 1 biti eins og þumal nögl af fersku engifer Sósan til að marinera kjötið í gerði ég svona: Setti sojasósu í skál og kreysti hvítlauk út í hana og næst setti ég svo púðursykur, hrærði þetta saman og reif síðan engiferið út í. Skar kjötið í góðar sneiðar og setii það síðan út í sósuna og hrærði í því. Bætti svo sesamfræjunum út í og hrærði þetta vel saman með höndunum og lét kjötið liggja í þessu í 2 tíma. Grænmetið sem fór út í réttinn: 3 meðal stórar gulrætur 1/2 púrrulaukur 1 rauð paprika ( var með mjóa langa ) 1/2 zucchini Setti 1 tsk af olíu á wok pönnu og sk...
Read more

Sveita og hjónabandssæla !!!!!

-
Image
Við hjónaleysin brugðum undir okkur betra fætinum um helgina og fórum að veiða byrjuðum í Langavatni í Borgarbyggð og vorum þar eina nótt og tókum þrjá fiska með okkur þaðan. Fórum svo í Hlíðavatn í Hnappadal og þar tók bóndinn einn fisk en ég fór með öngulinn í rassinum heim en það er svo fallegt á báðum þessum stöðum og veðrið var svo fallegt að ég var alsæl. Þessi mynd að ofan er tekin þegar við vorum á leiðinni úr Hlíðavatni og ég er alltaf jafn heilluð af þessu útsýni. Í gærkvöldi var ég orðin ansi þreitt þegar við hættum og háttaði mig úr öllum gallanum í einu og fannst þetta svo fyndið þegar ég sá gallan liggja á rúminu að ég mátti til að smella mynd af honum, þetta er náttúrulega sérstakur hæfileiki að geta háttað sig svona. :) Á heimleiðinni í dag á afmælisdegi bóndans fórum við að Hítarvatni í Hítardal og það er alveg ótrúlega fallegt þar og mikið af fólki við drukkum bara kaffi og fegurðina í okkur og fórum svo heim á leið. Það var að leggjast yfir þokaslæði...
Read more