Súkkulaði og sunnudagur !!!

-
Sunnudagur til sælu og súkkulaðis hvað gæti verið betra svona daginn eftir kosningar, ég var nú svo ómenningarleg að sofna bara um ellefuleitið í gærkvöldi og svaf svona ljómandi vel án þess að vita hvaða niðurstöður væru í kosningunum og það er nú einu sinni svo að ég fæ bara eitt atkvæði og get ráðið hvað ég geri við það en svo ræð ég engu um öll hin. Þess vegna var ég svona róleg og treysti því að allt færi vel, ætla svo ekki nánar út í þá sálma hér.


Af því að ég sofnaði svona snemma í gær þá vaknaði ég snemma í morgun úthvíld og ákvað að baka súkkulaðiköku og ætla að láta uppskriftina hérna inn en hún heitir skúffukaka Ágústu frænku og ég er búin að baka hana ansi oft í gegnum tíðina annað hvort sem tertu eða skúffuköku og hún er alltaf jafn góð.


Kakan:

125 gr. smjörlíki eða smjör   ( stór 185 gr.)
300 gr. sykur                        ( stór 420 gr.)
250 gr. hveiti                        ( stór 375 gr.)
2 tsk. lyftiduft                    ( stór 3 tsk.)
1/2 tsk matarsódi               ( stór 1 tsk.)
1 tsk. salt                            ( stór 1 tsk.)
4 msk. kakó                       ( stór 5 msk.)
                                            2 1/2 dl. mjólk                    (stór 3-4 dl.) deigið á ekki  að vera þykkt
2 egg                                 ( stór 3 egg)
Ef þið notið minni uppskriftina þá eru þetta 2 tertubotnar, en sú stærri er skúffukaka eða 4 tertubotnar


Þetta er allt hrært saman í einni skál í 3 mínútur og sett í smurt form sem búið er að strá hveiti innan  í líka svo að kakan festist ekki við botninn.


Bakað í 180 gr. þangað til til botninn er farinn að losna frá mótinu ( hef alltaf gleymt að taka tímann)


Í kremið notaði ég 4 dl. flórsykur
3 tsk kakóduft
175 gr. smjör
1 tsk vanilludropa
3 matskeiðar sterkt kaffi.


Ég setti rifsberjasultu á botninn og lét hana aðeins taka sig og síðan setti ég kremið yfir.


Svo var seinni botninn settur ofan á og restin af kreminu sett þar  ofan á.

ég stráði kókos flögum ofan á en það er líka gott að setja jarðaber en ég átti þau ekki.


Það er þægilegt að baka stóra uppskrift og setja á eina köku og eiga aðra í frysti.


Við gæddum okkur svo á þessu í kaffitímanum með þeittum rjóma alveg ómissandi með.


Það er um að gera að prófa sig áfram t.d nota olíu í staðin fyrir smjör en þetta er einföld og góð uppskrift sem svíkur mann aldrei og það er vel hægt að setja hana í sparibúning með því að setja brætt suðusúkkulaði og jarðaber eða hindber á hana.
Restin af deginum fór í prjónaskap og tiltektir og það byrjar ný vinnu vika á morgun og hún er bara 4 dagar og það er bara notarlegt að vita það  ég vona að þið eigið öll góða viku framundan.








Comments

Post a Comment

Popular posts from this blog

Gúrka, gúrka, gúrka

-
Image
   Það er stundum talað um gúkutíð þegar lítið er í fréttum og þannig er það búið að vera hjá mér að undanförnu hef ekki skifað í nokkra daga vegna annríkis og andleysis og þannig er það bara stundum hjá okkur í lífinu og er bara allt í lagi :) En ég gerði súrar gúrkur um daginn því að ég átti agúrku sem var að verða leiðinleg ( tala nú ekki við gúrkurnar mínar) ég meina hún var aðeins byrjuð að verða lin. Ein krukka af sýrðri  gúrku: 1 agúrka 2 dl. borðedik 1 dl. vatn 3 msk. sykur  3 lárviðarlauf 3-4 negulnaglar nokkur svört piparkorn 3 bitar af anis  set oft eina anis stjörnu en núna átti ég bara rest og enga heila, setti í pott  allt nema gúrkurnar og sauð það í c.a 10 mín til að fá bragðið fram og sótthreinsaði krukku með sjóðandi vatni og setti gúrkurnar í hana. Þegar lögurninn var aðeins farinn að kólna þá hellti ég honum í krukkuna og kældi alveg og setti svo í ísskáp, það er svo gott að eiga þetta með mat eða á samloku og þetta er ágæt lausn
Read more

Sveita og hjónabandssæla !!!!!

-
Image
Við hjónaleysin brugðum undir okkur betra fætinum um helgina og fórum að veiða byrjuðum í Langavatni í Borgarbyggð og vorum þar eina nótt og tókum þrjá fiska með okkur þaðan. Fórum svo í Hlíðavatn í Hnappadal og þar tók bóndinn einn fisk en ég fór með öngulinn í rassinum heim en það er svo fallegt á báðum þessum stöðum og veðrið var svo fallegt að ég var alsæl. Þessi mynd að ofan er tekin þegar við vorum á leiðinni úr Hlíðavatni og ég er alltaf jafn heilluð af þessu útsýni. Í gærkvöldi var ég orðin ansi þreitt þegar við hættum og háttaði mig úr öllum gallanum í einu og fannst þetta svo fyndið þegar ég sá gallan liggja á rúminu að ég mátti til að smella mynd af honum, þetta er náttúrulega sérstakur hæfileiki að geta háttað sig svona. :) Á heimleiðinni í dag á afmælisdegi bóndans fórum við að Hítarvatni í Hítardal og það er alveg ótrúlega fallegt þar og mikið af fólki við drukkum bara kaffi og fegurðina í okkur og fórum svo heim á leið. Það var að leggjast yfir þokaslæði
Read more

Kindalund og dásamleg stund !!!!

-
Image
 Mér datt í hug að kaupa kindalundir á tilboði í Krónunni og ætlaði bara að elda þær á þennan venjulega hátt en  þegar ég var búin að opna pakkann þá fannst mér þetta svo lítill matur og ákvað því að gera eitthvað annað úr þeim og þá varð þessi til og hann bragðast bara mjög vel. Þatta var 560 gr. kindalund 3 hvítlauksrif 2 tsk púðursykur 3 msk sojasósa 2 msk sesamfræ 1 biti eins og þumal nögl af fersku engifer Sósan til að marinera kjötið í gerði ég svona: Setti sojasósu í skál og kreysti hvítlauk út í hana og næst setti ég svo púðursykur, hrærði þetta saman og reif síðan engiferið út í. Skar kjötið í góðar sneiðar og setii það síðan út í sósuna og hrærði í því. Bætti svo sesamfræjunum út í og hrærði þetta vel saman með höndunum og lét kjötið liggja í þessu í 2 tíma. Grænmetið sem fór út í réttinn: 3 meðal stórar gulrætur 1/2 púrrulaukur 1 rauð paprika ( var með mjóa langa ) 1/2 zucchini Setti 1 tsk af olíu á wok pönnu og skellti grænmeti
Read more