Persónuréttindi og áhugasvið

-



Ég er á skemmtilegu námskeiði hjá Guðfinnu Eydal og Álfheiði Steinþórsdóttur það heitir Sjálfsstyrking og samskipti, við vorum að tala um persónuréttindi í síðasta tíma og það var mjög áhugavert. Skilyrði fyrir því að nota þessi réttindi er að ekki sé gengið á sömu réttindi annarra. 
Ég ætla að setja þennan lista hérna inn til að sýna ykkur hann og það er svo gott fyrir okkur öll að skoða hvernig þetta er hjá okkur.
  1.  Ég hef rétt á að dæma um eigin hegðun, hugsanir og tilfinningar og taka ábyrgð á afleiðingunum sjálf(ur)
  2. Ég hef rétt til að láta skoðun mína í ljós ( ekki afsaka eða útskýra hana).
  3. Ég hef rétt á tilfinningum mínum og þarf ekki að afsaka þær með einhverri ástæðu.
  4. Ég hef rétt til að taka ákvarðanir, framfylgja þeim og taka afleiðingunum.
  5. Ég hef rétt til að taka þá áhættu að fólki geðjist ekki að mér.
  6. Ég hef rétt til að breyta um skoðun
  7. Ég hef rétt til að segja "ég skil ekki".
  8. Ég hef rétt til að segja " ég veit ekki"
  9. Ég hef rétt á að borin sé virðing fyrir mér.
  10. ég hef rétt til að verjast ágengni annara sem hindra eða berjast gegna réttindum mínum.



Það er alveg nausynlegt fyrir mig að minna mig á þetta reglulega að ég megi taka það pláss sem ég þarf á meðan ég er ekki að troða á öðru fólki,  að ég megi vera ég sjálf með öllum mínum kostum og göllum ( þeir eru nú fáir:)
Gott er að vita að ég má segja ég veit þetta ekki og það þýðir ekki að ég sé heimsk heldur að ég get ekki vitað allt þótt ég viti örugglega margt.
Það er líka gott að hafa í huga að það að skipta um skoðun þýðir ekki að ég sé einhver vingull,  heldur þýðir það að ég hef jafnvel fengið nýjar upplýsingar sem breyta minni fyrri skoðun eða ég hef fengið áhuga á einhverju öðru, þetta má en það er náttúrulega ekki gott ef við erum svo óákveðin að við skiptum oft um skoðun á dag og ef við höfum alltaf sömu skoðun og síðasti ræðumaður þá þurfum við kannski skoða af hverju það er. 

Ég sagði ykkur frá því um daginn að ég væri að fara í áhugasviðs próf STRONG og ég fékk að vita niðurstöðuna úr því á mánudag og það var mjög skemmtileg að sjá hana.
þar kom fram að þar sem ég er sterk og ætti að vinna við er:
Blaðamennska, sjónvarp/útvarp, blómaskreytingar, viðburðarstjórnun, vinna við mat, hönnuður og margt fleira og ég fékk heila möppu með upplýsingum sem ég á eftir að skoða betur og nú er bara að ákveða hvað ég ætla að gera við þessar upplýsingar.

NIÐURSTAÐA:
Þegar ég verð stór ætla ég að verða SJÓNVARPS BLAÐAMAÐUR SEM SKREYTIR MEÐ BLÓMUM FYRIR VIÐBURÐI SEM ÉG STJÓRNA OG ELDA MATINN FYRIR ÞÁ LÍKA OG HANNA LÍKA INNRÉTTINGARNAR Í HÚSNÆÐINU ÞAR SEM VIÐBURÐURINN ER HALDINN....JA HÉRNA ÞARNA FÆR STJÓRNSEMI MÍN ALDEILIS AÐ NJÓTA SÍN HEHEH


Comments

Post a Comment

Popular posts from this blog

Gúrka, gúrka, gúrka

-
Image
   Það er stundum talað um gúkutíð þegar lítið er í fréttum og þannig er það búið að vera hjá mér að undanförnu hef ekki skifað í nokkra daga vegna annríkis og andleysis og þannig er það bara stundum hjá okkur í lífinu og er bara allt í lagi :) En ég gerði súrar gúrkur um daginn því að ég átti agúrku sem var að verða leiðinleg ( tala nú ekki við gúrkurnar mínar) ég meina hún var aðeins byrjuð að verða lin. Ein krukka af sýrðri  gúrku: 1 agúrka 2 dl. borðedik 1 dl. vatn 3 msk. sykur  3 lárviðarlauf 3-4 negulnaglar nokkur svört piparkorn 3 bitar af anis  set oft eina anis stjörnu en núna átti ég bara rest og enga heila, setti í pott  allt nema gúrkurnar og sauð það í c.a 10 mín til að fá bragðið fram og sótthreinsaði krukku með sjóðandi vatni og setti gúrkurnar í hana. Þegar lögurninn var aðeins farinn að kólna þá hellti ég honum í krukkuna og kældi alveg og setti svo í ísskáp, það er svo gott að eiga þetta með mat eða á samloku og þetta er ágæt lausn
Read more

Sveita og hjónabandssæla !!!!!

-
Image
Við hjónaleysin brugðum undir okkur betra fætinum um helgina og fórum að veiða byrjuðum í Langavatni í Borgarbyggð og vorum þar eina nótt og tókum þrjá fiska með okkur þaðan. Fórum svo í Hlíðavatn í Hnappadal og þar tók bóndinn einn fisk en ég fór með öngulinn í rassinum heim en það er svo fallegt á báðum þessum stöðum og veðrið var svo fallegt að ég var alsæl. Þessi mynd að ofan er tekin þegar við vorum á leiðinni úr Hlíðavatni og ég er alltaf jafn heilluð af þessu útsýni. Í gærkvöldi var ég orðin ansi þreitt þegar við hættum og háttaði mig úr öllum gallanum í einu og fannst þetta svo fyndið þegar ég sá gallan liggja á rúminu að ég mátti til að smella mynd af honum, þetta er náttúrulega sérstakur hæfileiki að geta háttað sig svona. :) Á heimleiðinni í dag á afmælisdegi bóndans fórum við að Hítarvatni í Hítardal og það er alveg ótrúlega fallegt þar og mikið af fólki við drukkum bara kaffi og fegurðina í okkur og fórum svo heim á leið. Það var að leggjast yfir þokaslæði
Read more

Kindalund og dásamleg stund !!!!

-
Image
 Mér datt í hug að kaupa kindalundir á tilboði í Krónunni og ætlaði bara að elda þær á þennan venjulega hátt en  þegar ég var búin að opna pakkann þá fannst mér þetta svo lítill matur og ákvað því að gera eitthvað annað úr þeim og þá varð þessi til og hann bragðast bara mjög vel. Þatta var 560 gr. kindalund 3 hvítlauksrif 2 tsk púðursykur 3 msk sojasósa 2 msk sesamfræ 1 biti eins og þumal nögl af fersku engifer Sósan til að marinera kjötið í gerði ég svona: Setti sojasósu í skál og kreysti hvítlauk út í hana og næst setti ég svo púðursykur, hrærði þetta saman og reif síðan engiferið út í. Skar kjötið í góðar sneiðar og setii það síðan út í sósuna og hrærði í því. Bætti svo sesamfræjunum út í og hrærði þetta vel saman með höndunum og lét kjötið liggja í þessu í 2 tíma. Grænmetið sem fór út í réttinn: 3 meðal stórar gulrætur 1/2 púrrulaukur 1 rauð paprika ( var með mjóa langa ) 1/2 zucchini Setti 1 tsk af olíu á wok pönnu og skellti grænmeti
Read more