Kondu og skoðaðu í kistuna mína .....þar er ýmislegt að finna

-
 
Það er mjög fróðlegt að yfirfara frystikistur og skápa á þessum árstíma og sjá hvað til er í þeim og oft verð ég hálf hissa hvað þar er. Ég sá núna í minni skoðun að það er ennþá til silungur frá því í fyrrasumar sem við hjónaleysin veiddum og það er ekki seinna vænna að nota hann, ég hef verið dugleg að gefa hann í vetur og kannski ekki eins dugleg  að borðað hann :)
 það finnst ekki öllum á heimilinu hann jafn góður og mér.
 Núna er tækifæri að gera silungsbollur sem eru í miklu uppáhaldi hjá mér en hann er líka mjög góður steiktur á pönnu, grillaður eða ofnbakaður, hráefnið í þessar bráðhollu bollur sem ég geri er:

Silungur
sesamfræ
sojasósa
engifer
egg

ég set silunginn í matvinnsluvél og hakka hann og bæti svo sojasósu, rifnu engiferi, sesamfræi og eggi saman við og hræri rólega í höndum, bý til litlar bollur og steiki þær í olíu eða baka þær í ofni.
Þetta er algjört heilsunammi. Ég geri oft fiskibollur en hef aldrei prófað þessa uppskrift á venjulegan fisk en það er kannski bara rétt að prófa það.

Ég fann líka rababara, krækiber, bláber, sellerí, rifsber og steinselju og hvítlauk sem ég hafði sett saman í litla bita og fryst ásamt mörgu öðru skemmtilegu og ég þarf að malla eitthvað úr þessu öllu og leifa ykkur að fylgjast með því hérna. Kannski grilla ég silung með berja eða rababara fyllingu aldrei að vita 
Nú er komin tími til að vera svolítið skipulögð og ég ætla að byrja á því að setja miða á frystiskápinn með því sem í honum er og merkja svo við það sem ég tek úr honum.
Væri það ekki bara tær snilld til að fylgjast með inn og út streymi úr hvort sem það er frystiskápur eða kista það eru örugglega margir sem gera þetta og þá þarf maður ekki alltaf að vera að gera vörutalningu aftur og aftur. Humm verð þá að muna að setja á miðan þegar eitthvað nýtt bætist í skápinn.














Þessar myndir eru úr veiðiferð sem var farin að Langavatni í fyrrasumar og ein af dætrunum var með og veiddi sinn jómfrúarfisk. Nú er bara að bíða eftir að komast í veiði en það er fátt sem mér finnst skemmtilegra en það og það eiga örugglega eftir að koma veiðisögur hérna inn í sumar.

Comments

Post a Comment

Popular posts from this blog

Gúrka, gúrka, gúrka

-
Image
   Það er stundum talað um gúkutíð þegar lítið er í fréttum og þannig er það búið að vera hjá mér að undanförnu hef ekki skifað í nokkra daga vegna annríkis og andleysis og þannig er það bara stundum hjá okkur í lífinu og er bara allt í lagi :) En ég gerði súrar gúrkur um daginn því að ég átti agúrku sem var að verða leiðinleg ( tala nú ekki við gúrkurnar mínar) ég meina hún var aðeins byrjuð að verða lin. Ein krukka af sýrðri  gúrku: 1 agúrka 2 dl. borðedik 1 dl. vatn 3 msk. sykur  3 lárviðarlauf 3-4 negulnaglar nokkur svört piparkorn 3 bitar af anis  set oft eina anis stjörnu en núna átti ég bara rest og enga heila, setti í pott  allt nema gúrkurnar og sauð það í c.a 10 mín til að fá bragðið fram og sótthreinsaði krukku með sjóðandi vatni og setti gúrkurnar í hana. Þegar lögurninn var aðeins farinn að kólna þá hellti ég honum í krukkuna og kældi alveg og setti svo í ísskáp, það er svo gott að eiga þetta með mat eða á s...
Read more

Kindalund og dásamleg stund !!!!

-
Image
 Mér datt í hug að kaupa kindalundir á tilboði í Krónunni og ætlaði bara að elda þær á þennan venjulega hátt en  þegar ég var búin að opna pakkann þá fannst mér þetta svo lítill matur og ákvað því að gera eitthvað annað úr þeim og þá varð þessi til og hann bragðast bara mjög vel. Þatta var 560 gr. kindalund 3 hvítlauksrif 2 tsk púðursykur 3 msk sojasósa 2 msk sesamfræ 1 biti eins og þumal nögl af fersku engifer Sósan til að marinera kjötið í gerði ég svona: Setti sojasósu í skál og kreysti hvítlauk út í hana og næst setti ég svo púðursykur, hrærði þetta saman og reif síðan engiferið út í. Skar kjötið í góðar sneiðar og setii það síðan út í sósuna og hrærði í því. Bætti svo sesamfræjunum út í og hrærði þetta vel saman með höndunum og lét kjötið liggja í þessu í 2 tíma. Grænmetið sem fór út í réttinn: 3 meðal stórar gulrætur 1/2 púrrulaukur 1 rauð paprika ( var með mjóa langa ) 1/2 zucchini Setti 1 tsk af olíu á wok pönnu og sk...
Read more

Sveita og hjónabandssæla !!!!!

-
Image
Við hjónaleysin brugðum undir okkur betra fætinum um helgina og fórum að veiða byrjuðum í Langavatni í Borgarbyggð og vorum þar eina nótt og tókum þrjá fiska með okkur þaðan. Fórum svo í Hlíðavatn í Hnappadal og þar tók bóndinn einn fisk en ég fór með öngulinn í rassinum heim en það er svo fallegt á báðum þessum stöðum og veðrið var svo fallegt að ég var alsæl. Þessi mynd að ofan er tekin þegar við vorum á leiðinni úr Hlíðavatni og ég er alltaf jafn heilluð af þessu útsýni. Í gærkvöldi var ég orðin ansi þreitt þegar við hættum og háttaði mig úr öllum gallanum í einu og fannst þetta svo fyndið þegar ég sá gallan liggja á rúminu að ég mátti til að smella mynd af honum, þetta er náttúrulega sérstakur hæfileiki að geta háttað sig svona. :) Á heimleiðinni í dag á afmælisdegi bóndans fórum við að Hítarvatni í Hítardal og það er alveg ótrúlega fallegt þar og mikið af fólki við drukkum bara kaffi og fegurðina í okkur og fórum svo heim á leið. Það var að leggjast yfir þokaslæði...
Read more