Kjúklingur og kærleikur :)

-
Það er alltaf þægilegt að eiga kjúklingaleggi í frysti því að það er svo margt hægt að gera úr þeim, ég bjó til rétt sem ég hef aldrei gert áður og hann heppnaðist bara vel, set uppskriftina hérna inn og vona að ég muni hana en ef ég skrifa ekki niður jafnóðum og ég geri eitthvað í eldhúsinu þá er það oft bara farið.

Uppskrift:

10 kjúklingaleggir
spagettí 1/3 úr pakka
5 hvítlauksrif
5 kartöflur
2 dl. sweet chillisósa
3 dl. rjómi
rifinn ostur

Kjúklingaleggir settir í ofnpott og sósunni hellt yfir og  hvítlauksrifin sett úti í,
kartöflurnar skornar í bita og settar í pottinn og rjómanum hellt yfir.
Þetta var í klukkutíma í ofninum á 150  í lokin setti ég grillið aðeins á til að fá fallega húð á kjúklinginn.
Spagettí soðið samkvæmt leiðbeiningum og vatnið láta renna af því eftir suðu, tók kjúklinginn upp úr pottinum, það var komin svo góð sósa úr soðinu og rjómanum í pottinn og spagettíið fór út í hana og síðan var osturinn settur yfir og hrært varlega saman og kjúklingabitarnir settir yfir. Það er gott að bera þetta fram með góðu grænmetis salati að eigin vali.



Þetta puntuhandklæði á myndinni var ég að klára að sauma og á eftir að setja blúndu og falda það og þá er það tilbúið. Systir mín kærleiksrík gaf mér það þegar við fórum í sumarbústaðinn hennar í fyrra og það er búið að vera gaman að telja það út og sauma og sjá hvernig myndin kom smátt og smátt í ljós.
Þannig er það líka með kærleikann ef við gerum eitthvað fallegt fyrir einhvern þá kemur það til baka til okkar á einhvern hátt.  En það er ekki þar með sagt að ég ætlist til þess að fá endurgreiddan kærleikan sem ég gef en það er bara alltaf þannig að ef ég kem vel fram við einhvern að ég fæ það til baka og oft á svo skemmtilegan og óvæntan hátt.
Við þurfum ekki að vera feimin við að sýna kærleika og getum gert það á svo margan hátt og þótt við séum ekki að faðma ókunnugt fólk í tíma og ótíma þá er bara eitt lítið bros oft nóg til að láta öðrum líða vel og okkur sjálfum í leiðinni. ég hef verið svo heppin að þekkja mikið af góðu og kærleiksríku fólki á minni lífsleið og það er ekki sjálfsagt mál langt því frá.  Við vitum oft ekki af hverju fólk er pirrað og kemur ekki vel fram og það getur verið svo margt sem býr þar að baki og af því að ég að minnsta kosti er ekki hugsanalesari og veit ekki út af hverju þessi framkoma stafar þá hef ég reynt að venja mig bara á að nota aðgát skal höfð í nærveru sálar, en það þýðir samt ekki að ég láti vaða yfir mig en ég er búin að komast að því að ég þarf ekki alltaf að eiga síðasta orðið ( þetta tók mörg ár ).

Og að lokum læt ég fylgja orð sem Sófókles sam var uppi 496-406 f. krist sagði og þau eiga ennþá vel við: SÁ SEM KANN AÐ ENDURGJALDA GÓÐVILD ER ÓMETANLEGUR VINUR.

Comments

Post a Comment

Popular posts from this blog

Gúrka, gúrka, gúrka

-
Image
   Það er stundum talað um gúkutíð þegar lítið er í fréttum og þannig er það búið að vera hjá mér að undanförnu hef ekki skifað í nokkra daga vegna annríkis og andleysis og þannig er það bara stundum hjá okkur í lífinu og er bara allt í lagi :) En ég gerði súrar gúrkur um daginn því að ég átti agúrku sem var að verða leiðinleg ( tala nú ekki við gúrkurnar mínar) ég meina hún var aðeins byrjuð að verða lin. Ein krukka af sýrðri  gúrku: 1 agúrka 2 dl. borðedik 1 dl. vatn 3 msk. sykur  3 lárviðarlauf 3-4 negulnaglar nokkur svört piparkorn 3 bitar af anis  set oft eina anis stjörnu en núna átti ég bara rest og enga heila, setti í pott  allt nema gúrkurnar og sauð það í c.a 10 mín til að fá bragðið fram og sótthreinsaði krukku með sjóðandi vatni og setti gúrkurnar í hana. Þegar lögurninn var aðeins farinn að kólna þá hellti ég honum í krukkuna og kældi alveg og setti svo í ísskáp, það er svo gott að eiga þetta með mat eða á s...
Read more

Sveita og hjónabandssæla !!!!!

-
Image
Við hjónaleysin brugðum undir okkur betra fætinum um helgina og fórum að veiða byrjuðum í Langavatni í Borgarbyggð og vorum þar eina nótt og tókum þrjá fiska með okkur þaðan. Fórum svo í Hlíðavatn í Hnappadal og þar tók bóndinn einn fisk en ég fór með öngulinn í rassinum heim en það er svo fallegt á báðum þessum stöðum og veðrið var svo fallegt að ég var alsæl. Þessi mynd að ofan er tekin þegar við vorum á leiðinni úr Hlíðavatni og ég er alltaf jafn heilluð af þessu útsýni. Í gærkvöldi var ég orðin ansi þreitt þegar við hættum og háttaði mig úr öllum gallanum í einu og fannst þetta svo fyndið þegar ég sá gallan liggja á rúminu að ég mátti til að smella mynd af honum, þetta er náttúrulega sérstakur hæfileiki að geta háttað sig svona. :) Á heimleiðinni í dag á afmælisdegi bóndans fórum við að Hítarvatni í Hítardal og það er alveg ótrúlega fallegt þar og mikið af fólki við drukkum bara kaffi og fegurðina í okkur og fórum svo heim á leið. Það var að leggjast yfir þokaslæði...
Read more

Þurrkun og frysting á kryddjurtum

-
Image
Uppskeran á kryddjurtum var mjög góð í sumar og hefur sjaldan  verið jafn góð þrátt fyrir slæma tíð og ekki dugir að láta hana skemmast svo að ég ákvað að þurrka og frysta til að eiga í vetur. Það er mjög gott að frysta saman steinselju og hvítlauk í olíu og setja það í klakabox og pakka því svo vel inn og þá er hægt að taka bara einn mola í einu til að nota.  Ég gleymdi að taka mynd af mínum molum en fann þessa á netinu, en í fyrra setti ég steinselju og hvítlauk í matvinnsluvélina og maukaði það og setti svo beint í formið og ekker út í það og það var alveg að gera sig líka. Sniðugt að taka myntu og frysta hana í klakaboxi með vatni þá á maður hana beint í glasið eða út í bústið. Ég prófaði líka að þurrka steinselju og ætla að nota hana svoleiðis í vetur og sjá hvernig það kemur út, einning þurrkaði ég myntu, rósmarín, dill og timjan til að eiga í vetur. Myntuna get ég notað í te og einnig sem krydd og þessi uppskera mín ætti að duga okkur e...
Read more