Hakksúpa og áhugasvið !!!

-
Í gær fór ég í áhugasviðspróf og það var mjög áhugavert! Ég hafði pantað þetta hjá stéttafélaginu mínu og var búin að steingleyma því, þegar þeir  hringdu í mig  og buðu mér  að koma og ég sagði já takk. En á leiðinni fór ég að hugsa hvað er ég svona gömul að gera þetta??? En það tók mjög elskuleg kona á móti mér og hún sagði við mig það er aldrei of seint að taka þetta próf og ég skammaðist mín fyrir að tala svona niður til mín. Ég var í 40 mín. að svara öllum þessum spurningum og svo á ég að mæta hjá henni í næstu viku og fá niðurstöðurnar og það verður spennandi. Það eru oft allskonar námskeið í boði hjá stéttafélugunum og þau eru oftast okkur að kostnaðar lausu og það er náttúrulega algjör synd að nýta þau ekki, ég hef verið dugleg við og við   s.l tvö ár að nýta mér þetta, fyrir 2 árum fór ég á þriggja kvölda námskeið í skapandi skrifum og það var mjög lærdómsríkt og skemmtilegt og mun koma að góðum notum þegar ég skrifa ævisöguna hehehe.
Ég ætla að leifa ykkur að fylgjast með hvað kemur út úr þessu prófi mínu og á örugglega eftir að velta vöngum yfir því hérna :)

Í gær eldaði ég hakksúpu og hún var mjög góð og ég ætla að setja uppskriftina hérna inn og vona að einhver geti nýtt sér hana, ég er að nota það sem ég á í frystiskápnum þessa dagana og á örugglega eftir að setja inn allskonar skrítnar uppskriftir hérna.
Það sem þarf í súpuna:

1 nauta teningur og 4 bollar vatn
1 meðal stór laukur
1 bolli sneiddar gulrætur
2 meðal stórar kartöflur
1 rauð paprika ég notaði eins og þið sjáið á myndinni man ekki hvað hún heitir
2 tsk olía
11/2 tsk salt
2 tsk svartur pipar
3 lauf af hvítlauk
2 tsk gult sinnep
1/4 bolli tómatsósa
300 gr nautahakk
rifinn ostur

Setti olíu í pott og saxaði lauk, gulrætur og papriku og setti út í olíuna og lét þetta malla í
3 mín.  svo setti ég hvítlaukinn í pressu og setti út í og lét malla í eina mín.
Hakkið sett út í og kryddað með salti og pipar látið brúnast í 6-8 mín og þá er sinnep, tómatsósa og kartöflubitar sett út í og látið hitna vel í gegn.
Þá setti ég vatn og tening út í og lét súpuna sjóða þar til kartöflurnar voru soðnar 8-10 mín.
Það er betra að setja minna af kryddi út í og bæta síðan við og ég setti hálfan tening í viðbót út í súpuna þear hún var búin að sjóða í 5 mín því að ég vildi meira bragð og það getur hver og einn haft hana eins sterka og hann vill, ég hitaði hana upp í dag og þá var hún vel sterk og það hefði verið allt í lagi að setja smá vatn úti hana.

Ég setti rifinn ost út í súpuna þegar hún var komin í skál og það var mjög gott, við getum líka ráðið því hversu sterkan ost við viljum hafa með súpunni. Verði ykkur að góðu.








Ég prófaði að setja servettu sem ég átti frá því í fyrrasumar á borðið eins og diskamottu og það kom skemmtilega út. Oft eigum við eina og eina fallega servettu eftir og það er hægt að nota þær til borðskreytinar setja þær á mitt borðið eða það sem ykkur dettur í hug.

HUMM :) gæti verið að það komi í ljós í áhugasviðsprófinu að ég hafi áhuga á mat og öllu í kringum hann :)

Comments

Post a Comment

Popular posts from this blog

Gúrka, gúrka, gúrka

-
Image
   Það er stundum talað um gúkutíð þegar lítið er í fréttum og þannig er það búið að vera hjá mér að undanförnu hef ekki skifað í nokkra daga vegna annríkis og andleysis og þannig er það bara stundum hjá okkur í lífinu og er bara allt í lagi :) En ég gerði súrar gúrkur um daginn því að ég átti agúrku sem var að verða leiðinleg ( tala nú ekki við gúrkurnar mínar) ég meina hún var aðeins byrjuð að verða lin. Ein krukka af sýrðri  gúrku: 1 agúrka 2 dl. borðedik 1 dl. vatn 3 msk. sykur  3 lárviðarlauf 3-4 negulnaglar nokkur svört piparkorn 3 bitar af anis  set oft eina anis stjörnu en núna átti ég bara rest og enga heila, setti í pott  allt nema gúrkurnar og sauð það í c.a 10 mín til að fá bragðið fram og sótthreinsaði krukku með sjóðandi vatni og setti gúrkurnar í hana. Þegar lögurninn var aðeins farinn að kólna þá hellti ég honum í krukkuna og kældi alveg og setti svo í ísskáp, það er svo gott að eiga þetta með mat eða á s...
Read more

Kindalund og dásamleg stund !!!!

-
Image
 Mér datt í hug að kaupa kindalundir á tilboði í Krónunni og ætlaði bara að elda þær á þennan venjulega hátt en  þegar ég var búin að opna pakkann þá fannst mér þetta svo lítill matur og ákvað því að gera eitthvað annað úr þeim og þá varð þessi til og hann bragðast bara mjög vel. Þatta var 560 gr. kindalund 3 hvítlauksrif 2 tsk púðursykur 3 msk sojasósa 2 msk sesamfræ 1 biti eins og þumal nögl af fersku engifer Sósan til að marinera kjötið í gerði ég svona: Setti sojasósu í skál og kreysti hvítlauk út í hana og næst setti ég svo púðursykur, hrærði þetta saman og reif síðan engiferið út í. Skar kjötið í góðar sneiðar og setii það síðan út í sósuna og hrærði í því. Bætti svo sesamfræjunum út í og hrærði þetta vel saman með höndunum og lét kjötið liggja í þessu í 2 tíma. Grænmetið sem fór út í réttinn: 3 meðal stórar gulrætur 1/2 púrrulaukur 1 rauð paprika ( var með mjóa langa ) 1/2 zucchini Setti 1 tsk af olíu á wok pönnu og sk...
Read more

Sveita og hjónabandssæla !!!!!

-
Image
Við hjónaleysin brugðum undir okkur betra fætinum um helgina og fórum að veiða byrjuðum í Langavatni í Borgarbyggð og vorum þar eina nótt og tókum þrjá fiska með okkur þaðan. Fórum svo í Hlíðavatn í Hnappadal og þar tók bóndinn einn fisk en ég fór með öngulinn í rassinum heim en það er svo fallegt á báðum þessum stöðum og veðrið var svo fallegt að ég var alsæl. Þessi mynd að ofan er tekin þegar við vorum á leiðinni úr Hlíðavatni og ég er alltaf jafn heilluð af þessu útsýni. Í gærkvöldi var ég orðin ansi þreitt þegar við hættum og háttaði mig úr öllum gallanum í einu og fannst þetta svo fyndið þegar ég sá gallan liggja á rúminu að ég mátti til að smella mynd af honum, þetta er náttúrulega sérstakur hæfileiki að geta háttað sig svona. :) Á heimleiðinni í dag á afmælisdegi bóndans fórum við að Hítarvatni í Hítardal og það er alveg ótrúlega fallegt þar og mikið af fólki við drukkum bara kaffi og fegurðina í okkur og fórum svo heim á leið. Það var að leggjast yfir þokaslæði...
Read more