Grænmetissúpa eða súpa seiðið af því

-
Það er svo mikið að gera hjá mér þessa dagana í sjálfs uppbyggingu  ég er á fullu í ræktinni og allskonar námskeiðum og ég kom frekar seint heim af einu slíku í vikunni og hafði gleymt að gera ráð fyrir mat en var orðin mjög svöng. Þá byrjaði leitin að einhverju ætu  ég kíkti í grænmetis skúffuna þar er oft ýmislegt góðgæti og viti menn ég fann sitt lítið af hverju og ákvað að gera súpu úr því og læt uppskriftina fljóta hérna með.

Grænmetissúpa:

1 lítill blómkálshaus
3 meðal gulrætur
1/2 sæt kartafla
1 laukur
1 tsk turmek
 1/2 - 1 tsk salt
1/2  tsk pipar
grænmetisteningur
vatn.

Ég setti vatn ( 10 dl) og grænmetistening í pott og skar grænmetið og laukinn niður frekar gróft og setti það út í og lét það sjóða í 15 mín og á meðan hrærði ég í skonsur, síðan setti ég salt, pipar og turmek út í og lét sjóða aðeins áfram þá tók ég töfrasprotann og maukaði súpuna en ekki alveg hafði smá bita í henni og svo smakkaði ég hana til og stundum bæti ég kryddi út í það er smekksatriði en ég gerði það í þetta sinn setti meira túrmek og salt ég leyfði súpunni að malla á lágum hita  þar til ég var búin að baka skonsurnar eða  25 - 30 mín í heildina. Þetta reyndist bara hin besta súpa og skonsurnar klikka aldrei volgar með osti og smjöri eða einhverju öðru. Ég setti mína skonsuu uppskrift hérna inn fyrir einhverju síðan hún er gömul og góð.

Í þessari skál sem er á myndinni eru steinar sem ég hef tínt í vasann hingað og þangað t.d Hornströndum, Fimmvörðuhálsi og við ýmis vötn sem við höfum verið að veiða í, það er einhver vani hjá mér að gera þetta og það eru mörg ár síðan ég byrjaði. Þeir eru svo settir í þessa skál og svo hef ég  vatn í henni og stundum flotkerti, þegar kveiki á þeim hef ég stundum  hugsað til þess þegar ég var á þessu flakki mínu og hvað það var gaman.
Ég var mikil göngu garpur  um árið og hætti því svo að mestu leiti og hef ekki farið í langa göngu í nokkur ár og var alls ekki nógu dugleg að hreyfa mig um tíma og ég hef verið að súpa seiðið af því, líkaminn var orðin bólginn og aumur og það var svo erftitt að koma sér af stað aftur en ég er byrjuð og tek þetta skref fyrir skref og stein fyrir stein :)
 Það er aldrei að vita nema ég eigi eftir að ganga langa göngu aftur en ég og vinkona mín sem á stór afmæli á næsta ári eigum okkur draum um að ganga saman  Jakobsveginn en það er 40 daga ganga :) frá frakklandi og til spánar það eru margir sem hafa gengið þetta bæði í einni ferð en aðrir hafa gert þetta í áföngum. Við ætlum ekki að sleppa þessum draumi strax og höldum áfram að safna og æfa okkur :)
En ég er ansi hrædd um að ef ég geng Jakobsveginn verði ég að láta steinanna í friði, hvernig haldið þið að ég verði annars þegar fer að síga á seinni hluta ferðarinnar komin með slagsíðu út af grjótinu í vösunum og verð látin borga yfirvigt í fluginu á leiðinni heim, maður verður nú að læra að hemja sig :)

Comments

Post a Comment

Popular posts from this blog

Gúrka, gúrka, gúrka

-
Image
   Það er stundum talað um gúkutíð þegar lítið er í fréttum og þannig er það búið að vera hjá mér að undanförnu hef ekki skifað í nokkra daga vegna annríkis og andleysis og þannig er það bara stundum hjá okkur í lífinu og er bara allt í lagi :) En ég gerði súrar gúrkur um daginn því að ég átti agúrku sem var að verða leiðinleg ( tala nú ekki við gúrkurnar mínar) ég meina hún var aðeins byrjuð að verða lin. Ein krukka af sýrðri  gúrku: 1 agúrka 2 dl. borðedik 1 dl. vatn 3 msk. sykur  3 lárviðarlauf 3-4 negulnaglar nokkur svört piparkorn 3 bitar af anis  set oft eina anis stjörnu en núna átti ég bara rest og enga heila, setti í pott  allt nema gúrkurnar og sauð það í c.a 10 mín til að fá bragðið fram og sótthreinsaði krukku með sjóðandi vatni og setti gúrkurnar í hana. Þegar lögurninn var aðeins farinn að kólna þá hellti ég honum í krukkuna og kældi alveg og setti svo í ísskáp, það er svo gott að eiga þetta með mat eða á s...
Read more

Kindalund og dásamleg stund !!!!

-
Image
 Mér datt í hug að kaupa kindalundir á tilboði í Krónunni og ætlaði bara að elda þær á þennan venjulega hátt en  þegar ég var búin að opna pakkann þá fannst mér þetta svo lítill matur og ákvað því að gera eitthvað annað úr þeim og þá varð þessi til og hann bragðast bara mjög vel. Þatta var 560 gr. kindalund 3 hvítlauksrif 2 tsk púðursykur 3 msk sojasósa 2 msk sesamfræ 1 biti eins og þumal nögl af fersku engifer Sósan til að marinera kjötið í gerði ég svona: Setti sojasósu í skál og kreysti hvítlauk út í hana og næst setti ég svo púðursykur, hrærði þetta saman og reif síðan engiferið út í. Skar kjötið í góðar sneiðar og setii það síðan út í sósuna og hrærði í því. Bætti svo sesamfræjunum út í og hrærði þetta vel saman með höndunum og lét kjötið liggja í þessu í 2 tíma. Grænmetið sem fór út í réttinn: 3 meðal stórar gulrætur 1/2 púrrulaukur 1 rauð paprika ( var með mjóa langa ) 1/2 zucchini Setti 1 tsk af olíu á wok pönnu og sk...
Read more

Sveita og hjónabandssæla !!!!!

-
Image
Við hjónaleysin brugðum undir okkur betra fætinum um helgina og fórum að veiða byrjuðum í Langavatni í Borgarbyggð og vorum þar eina nótt og tókum þrjá fiska með okkur þaðan. Fórum svo í Hlíðavatn í Hnappadal og þar tók bóndinn einn fisk en ég fór með öngulinn í rassinum heim en það er svo fallegt á báðum þessum stöðum og veðrið var svo fallegt að ég var alsæl. Þessi mynd að ofan er tekin þegar við vorum á leiðinni úr Hlíðavatni og ég er alltaf jafn heilluð af þessu útsýni. Í gærkvöldi var ég orðin ansi þreitt þegar við hættum og háttaði mig úr öllum gallanum í einu og fannst þetta svo fyndið þegar ég sá gallan liggja á rúminu að ég mátti til að smella mynd af honum, þetta er náttúrulega sérstakur hæfileiki að geta háttað sig svona. :) Á heimleiðinni í dag á afmælisdegi bóndans fórum við að Hítarvatni í Hítardal og það er alveg ótrúlega fallegt þar og mikið af fólki við drukkum bara kaffi og fegurðina í okkur og fórum svo heim á leið. Það var að leggjast yfir þokaslæði...
Read more