Eplakaka og sáning

-
 
það er eitthvað svo friðsælt og fallegt við epli og svo er svo lykta þau dásamlega, ég fór og verslaði fyrir helgina og keypti epli til að borða og svo keypti ég matarepli á 50 kr. pokann og það voru fjögur epli í pokanum og ég fjárfesti í tveimur pokum. Og af því að það var sunnudagur í gær ákvað ég að baka eplakökuna hennar Línu hún klikkar aldrei, ég hef ekki hugmynd um hver hún er þessi Lína ( kannski Langsokkur hver veit)
Það sem þarf í hana er:

250 gr. smjör
250 gr. sykur  ( ég setti 180gr,)
2 egg
250 gr. hveiti
1 tsk. lyftiduft
1/2 dl. mjólk
4 epli
kanilsykur
möndlur ( ef vill)                                                        

Hrærið smjörið þar til það er orðið lint, bætið sykrinum út í og hrærið vel síðan eru eggin sett út í eitt í senn. Bætið hveitinu og lyftiduftinu út í smátt og smátt, og svo mjólkinni.
Setjið helminginn af deiginu í bökunarform 22 cm og skerið eplin í sneiðar og leggið þau yfir deigið,   síðan er restin af deiginu sett  yfir og  kanilsykri stráð yfir og möndlur ef þið viljið.
Þetta er bakað 1 klst og ofnhitinn 180gr.


Það sem ég gerði var að skipta deiginu í tvö form og setti eplabitana yfir degið og stráði svo kanelsykri yfir og bakaði í styttri tíma 30-40 mín.  Með þessu er gott að hafa þeittan rjóma eða ís, þessi uppskrift er mjög gömul og það er svo gott að prófa sig áfram og breyta til og setja hrásykur í stað sykurs og eins að minnka magnið eins og ég gerði.
Ég skutlaðist í bílskúrinn þegar ég var búin að baka og setti niður fræ það voru 3 tegundir af sumarblómum, brokkáli, rófur, púrrulaukur, rauðrófur og svo er bara að sjá hvað kemur upp af þessu og ég set myndir hérna inn þegar eitthvað fer að koma upp en það tekur 15-28 daga. Á morgun ætla ég að setja salatfræ í vermireitinn í garðinum og sjá hvað gerist í fyrra fékk ég mjög mikið af salati og það kom frekar snemma hjá mér það er svo gott að geta farið út í garð og sótt brakandi ferskt salat namm namm. Þið fáið að fylgjast með þessu öllu þetta verður framhaldssaga hér í sumar :)



Comments

Post a Comment

Popular posts from this blog

Gúrka, gúrka, gúrka

-
Image
   Það er stundum talað um gúkutíð þegar lítið er í fréttum og þannig er það búið að vera hjá mér að undanförnu hef ekki skifað í nokkra daga vegna annríkis og andleysis og þannig er það bara stundum hjá okkur í lífinu og er bara allt í lagi :) En ég gerði súrar gúrkur um daginn því að ég átti agúrku sem var að verða leiðinleg ( tala nú ekki við gúrkurnar mínar) ég meina hún var aðeins byrjuð að verða lin. Ein krukka af sýrðri  gúrku: 1 agúrka 2 dl. borðedik 1 dl. vatn 3 msk. sykur  3 lárviðarlauf 3-4 negulnaglar nokkur svört piparkorn 3 bitar af anis  set oft eina anis stjörnu en núna átti ég bara rest og enga heila, setti í pott  allt nema gúrkurnar og sauð það í c.a 10 mín til að fá bragðið fram og sótthreinsaði krukku með sjóðandi vatni og setti gúrkurnar í hana. Þegar lögurninn var aðeins farinn að kólna þá hellti ég honum í krukkuna og kældi alveg og setti svo í ísskáp, það er svo gott að eiga þetta með mat eða á s...
Read more

Kindalund og dásamleg stund !!!!

-
Image
 Mér datt í hug að kaupa kindalundir á tilboði í Krónunni og ætlaði bara að elda þær á þennan venjulega hátt en  þegar ég var búin að opna pakkann þá fannst mér þetta svo lítill matur og ákvað því að gera eitthvað annað úr þeim og þá varð þessi til og hann bragðast bara mjög vel. Þatta var 560 gr. kindalund 3 hvítlauksrif 2 tsk púðursykur 3 msk sojasósa 2 msk sesamfræ 1 biti eins og þumal nögl af fersku engifer Sósan til að marinera kjötið í gerði ég svona: Setti sojasósu í skál og kreysti hvítlauk út í hana og næst setti ég svo púðursykur, hrærði þetta saman og reif síðan engiferið út í. Skar kjötið í góðar sneiðar og setii það síðan út í sósuna og hrærði í því. Bætti svo sesamfræjunum út í og hrærði þetta vel saman með höndunum og lét kjötið liggja í þessu í 2 tíma. Grænmetið sem fór út í réttinn: 3 meðal stórar gulrætur 1/2 púrrulaukur 1 rauð paprika ( var með mjóa langa ) 1/2 zucchini Setti 1 tsk af olíu á wok pönnu og sk...
Read more

Sveita og hjónabandssæla !!!!!

-
Image
Við hjónaleysin brugðum undir okkur betra fætinum um helgina og fórum að veiða byrjuðum í Langavatni í Borgarbyggð og vorum þar eina nótt og tókum þrjá fiska með okkur þaðan. Fórum svo í Hlíðavatn í Hnappadal og þar tók bóndinn einn fisk en ég fór með öngulinn í rassinum heim en það er svo fallegt á báðum þessum stöðum og veðrið var svo fallegt að ég var alsæl. Þessi mynd að ofan er tekin þegar við vorum á leiðinni úr Hlíðavatni og ég er alltaf jafn heilluð af þessu útsýni. Í gærkvöldi var ég orðin ansi þreitt þegar við hættum og háttaði mig úr öllum gallanum í einu og fannst þetta svo fyndið þegar ég sá gallan liggja á rúminu að ég mátti til að smella mynd af honum, þetta er náttúrulega sérstakur hæfileiki að geta háttað sig svona. :) Á heimleiðinni í dag á afmælisdegi bóndans fórum við að Hítarvatni í Hítardal og það er alveg ótrúlega fallegt þar og mikið af fólki við drukkum bara kaffi og fegurðina í okkur og fórum svo heim á leið. Það var að leggjast yfir þokaslæði...
Read more