Laugardags leti og pizza

-
Já það er enn og aftur kominn laugardagur alveg ótrúlegt hvað vikan líður hratt. Ég fór í klukkutíma göngu í morgun það var svo fallegt veður, ætlaði ekki að nenna af því að ég hef ekki farið í 3 daga og fann hvað þetta er gott þegar ég var komin út.

Ég var  löt í dag og það er stundum gott,  ég ákvað að vera með pizzu í kvöldmatinn og þurfti að byrja á því að gera sósuna á hana. Hér á myndinni er það sem í sósuna fór nema ég bætti sex kirsuberjatómötum út en þeir voru að byrja að verða linir.

Sósan:

1 dós hakkaðir tómatar
6 kirsuberjatómatar ( setti þá í skál með heitu vatni lét þá liggja smá stund og tók svo hýðið af þeim)
4 hvítlauks geirar setti þá í hvítlaukspressu
1 tsk basílikka og 1 tsk. oregon, smá salt og pipar


ég lét þetta sjóða í 20 mín. og þetta dugar á tvær pizzur og rúmlega það, ég frysti afganginn.







Ég bjó til 2  pizzu botna úr hveitikími og í þá notaði ég:

60 gr. hveitikím
3 msk. sesamfræ
2 msk. kúmen
1/2 tsk. salt
1/2 tsk pipar
5 msk. vatn
1/2 tsk. matarsóda
ég kleip þetta saman og mótaði svo kúlu með höndunum og skar hana í tvennt og setti helminginn á smjörpappír og aðra örk ofan á og flatti þetta út með kökukefli.
Og bakaði í c.a 5 mín. Þessi er ótrúlega góður botn  og það er hægt að gera nokkra í einu t.d tvöfalda uppskriftina og forbaka fysta svo og þá er fljótlegt að taka út og búa til heilsu pizzu.


Ég var líka með venjulegt deig sem ég kaupi í Ikea og þá kaupi ég
5-6 dósir af því og frysti því að það er svo langt að kjótast í Ikea.

Um að gera að setja  sitt uppáhalds álegg á pizzuna hvort sem það er kjötálegg eða grænmeti, en ég set alltaf smá fetaost og rjómaost á mína.
Ég gerði alltaf deigið sjálf en það tekur því varla,  þetta deig er bara fínt og kostar 149 kr. og ég fékk 2 pizzur úr því.

Góð vinkona mín sagði mér að það væri hægt gera brauð úr þessu deigi líka og ég hef gert það t.d með súpu þá hef ég stundum sett inn í það skinku og fetaost. Þá rúlla ég því út með kökukefli og set ostinn og skinkuna inn í og rúlla því svo upp og set ost yfir og inn í ofn.

Góða skemmtun og verði ykkur að góðu :)

Comments

Post a Comment

Popular posts from this blog

Gúrka, gúrka, gúrka

-
Image
   Það er stundum talað um gúkutíð þegar lítið er í fréttum og þannig er það búið að vera hjá mér að undanförnu hef ekki skifað í nokkra daga vegna annríkis og andleysis og þannig er það bara stundum hjá okkur í lífinu og er bara allt í lagi :) En ég gerði súrar gúrkur um daginn því að ég átti agúrku sem var að verða leiðinleg ( tala nú ekki við gúrkurnar mínar) ég meina hún var aðeins byrjuð að verða lin. Ein krukka af sýrðri  gúrku: 1 agúrka 2 dl. borðedik 1 dl. vatn 3 msk. sykur  3 lárviðarlauf 3-4 negulnaglar nokkur svört piparkorn 3 bitar af anis  set oft eina anis stjörnu en núna átti ég bara rest og enga heila, setti í pott  allt nema gúrkurnar og sauð það í c.a 10 mín til að fá bragðið fram og sótthreinsaði krukku með sjóðandi vatni og setti gúrkurnar í hana. Þegar lögurninn var aðeins farinn að kólna þá hellti ég honum í krukkuna og kældi alveg og setti svo í ísskáp, það er svo gott að eiga þetta með mat eða á samloku og þetta er ágæt lausn
Read more

Sveita og hjónabandssæla !!!!!

-
Image
Við hjónaleysin brugðum undir okkur betra fætinum um helgina og fórum að veiða byrjuðum í Langavatni í Borgarbyggð og vorum þar eina nótt og tókum þrjá fiska með okkur þaðan. Fórum svo í Hlíðavatn í Hnappadal og þar tók bóndinn einn fisk en ég fór með öngulinn í rassinum heim en það er svo fallegt á báðum þessum stöðum og veðrið var svo fallegt að ég var alsæl. Þessi mynd að ofan er tekin þegar við vorum á leiðinni úr Hlíðavatni og ég er alltaf jafn heilluð af þessu útsýni. Í gærkvöldi var ég orðin ansi þreitt þegar við hættum og háttaði mig úr öllum gallanum í einu og fannst þetta svo fyndið þegar ég sá gallan liggja á rúminu að ég mátti til að smella mynd af honum, þetta er náttúrulega sérstakur hæfileiki að geta háttað sig svona. :) Á heimleiðinni í dag á afmælisdegi bóndans fórum við að Hítarvatni í Hítardal og það er alveg ótrúlega fallegt þar og mikið af fólki við drukkum bara kaffi og fegurðina í okkur og fórum svo heim á leið. Það var að leggjast yfir þokaslæði
Read more

Kindalund og dásamleg stund !!!!

-
Image
 Mér datt í hug að kaupa kindalundir á tilboði í Krónunni og ætlaði bara að elda þær á þennan venjulega hátt en  þegar ég var búin að opna pakkann þá fannst mér þetta svo lítill matur og ákvað því að gera eitthvað annað úr þeim og þá varð þessi til og hann bragðast bara mjög vel. Þatta var 560 gr. kindalund 3 hvítlauksrif 2 tsk púðursykur 3 msk sojasósa 2 msk sesamfræ 1 biti eins og þumal nögl af fersku engifer Sósan til að marinera kjötið í gerði ég svona: Setti sojasósu í skál og kreysti hvítlauk út í hana og næst setti ég svo púðursykur, hrærði þetta saman og reif síðan engiferið út í. Skar kjötið í góðar sneiðar og setii það síðan út í sósuna og hrærði í því. Bætti svo sesamfræjunum út í og hrærði þetta vel saman með höndunum og lét kjötið liggja í þessu í 2 tíma. Grænmetið sem fór út í réttinn: 3 meðal stórar gulrætur 1/2 púrrulaukur 1 rauð paprika ( var með mjóa langa ) 1/2 zucchini Setti 1 tsk af olíu á wok pönnu og skellti grænmeti
Read more