Frelsi til, frelsi frá .....
Það er með frelsið eins og svo margt annað við tökum því oft sem sjálfsögðum hlut hér á landi og erum oft ekkert að velta þessu orði og mekingu þess svo mikið fyrir okkur.
Við höfum frelsi til að vera við sjálf og að vera okkur trú, og það er eitthvað sem við þurfum að fara vel með.
Ekki leyfa öðru fólki að segja okkur hvernig við eigum að vera, t.d hvernig við klæðum okkur eða hvernig við erum í laginu. Finnum okkar stíl og verum honum trú og höfum þor til að vera við sjálf.
Fyrir mig er mjög skemmtilegt að fylgjast með dætrum mínum, þær hafa allar þor til að klæða sig eins og þær vilja og eru oft mjög skrautlegar og skemmtilegar, og mér finnst frábært að þær hafi frelsi til þess.
Á mínum yngri árum hafði ég líka þetta frelsi og gekk í þeim fötum sem mig langaði til og var oft með mjög skrautlega klúta á höfðinu og fannst það ekkert mál, en svo kom tímabil þar sem ég var ekki eins frjáls og reyndi að vera eins og ég hélt að hinir vildu að ég væri.
En nú er minn tími komin eins og Jóhanna Sig. sagði um árið nú er ég búin að öðlast kjark aftur til að vera ég sjálf ( ekki seinna vænna) klæða mig og skreyta eins og ég vil, og því fylgir mikið frelsi, og ég ætla að vona að mér takist að halda því þar til yfir líkur.
Flest okkar geta valið hvernig og með hverjum við viljum búa, en undanfarin ár eru margir sem ekki hafa þetta frelsi og verða oft að búa við aðstæður sem þeir vilja ekki og það er oft vegna peningaleysis eða annara aðstæðna og það er ekki gott að upplifa sig í hálfgerðri gildru og komast ekki lönd né strönd því fylgir mikið ófrelsi og slæmar tilfinningar.
Við verðum að muna að þótt við séum í hjónabandi eða sambúð þá erum við tveir einstaklingar og við þurfum að virða það og gefa báðum aðilum frelsi til að vaxa og dafna í sambandinu, og taka tillit til hvors annars.
Það þarf líka að vera frelsi í sambandinu til að ræða þau mál sem á okkur hvíla, og það ætti enginn að þurfa að burðast einn með erfiðar tilfinningar, ef við getum ekki létt á okkur án hræðslu við maka okkar þá erum við ekki frjáls í sambandinu.
Það finna margir fyrir miklu frelsi við að fara út í náttúruna og t.d. veiða eins og ég geri eða fara í göngur, nú er hægt að kaupahttp://www.veidikortid.is/ og það er oft hægt að veiða í næsta nágrenni við okkur.
Það er ekki alltaf nauðsynlegt að fara langt, þegar dætur mínar voru yngri og ég hafði ekki mikil fjárráð til að fara mikið í langferðir, þá fórum við upp í Öskjuhlíð og kíktum á kanínur eða Heiðmörk með nesti, Þetta var mjög skemmtilegt því að það er oft samveran en ekki ferðalagið sjálft sem skiptir máli.
JÁ FRELSIÐ ER YNDISLEGT OG MUNUM AÐ FARA VEL MEÐ ÞAÐ
Comments