Það er líka smíðað í Brattholtinu.

-

Eru þær ekki fallegar þessar skálar sem bóndinn var að klára ?  Hann er listasmiður og það leikur allt í höndunum á honum. Já við erum alltaf að bralla og malla eitthvað og það er bara gott að hafa heilsu í það.

Í dag hefur verið vetrarveður hérna í borginni og erfitt að komast leiðar sinnar, það er ekki nema vika síðan að  ég var  út í garði að skoða graslaukinn sem var byrjaður að grænka og rababara hnúðar voru farnir að sjást og ég fann fyrir vorfiðringi í höndum og fótum og langaði að byrja að vinna í garðinum en auðvitað vissi ég að það var of snemmt.

Ég setti niður basílikufræ síðast í febrúar og nú eru þau komin upp og einning setti ég niður hvítlauk sem var farin að spíra og hann er kominn upp og ég er farin að nota hann. Og eftir c.a 3 vikur verð ég farin að nota ferska basilikku í matinn.


Í síðustu viku setti ég hérna inn geðorðin 10 og ákvað að taka eitt þeirra fyrir í viku og byrjaði á því 1. sem segir að það sé allt  léttara ef maður er jákvæður.

Þessa viku hef ég verið að æfa mig í þessu og mér hefur tekist misvel upp, suma dagana var ég mjög jákvæð og bjartsýn en svo voru líka dagar þar sem mér tókst það ekki og þannig er lífið ég held áfram að æfa mig í jákvæðni og eins og sagt er æfingin skapar meistarann og það er aldrei að vita nema ég verði komin með meistarabréf í jákvæðni í haust :)

Og þegar við erum jákvæð þá erum við að planta fræjum sem eiga eftir að blómstra hjá einhverjum eins og í blómapottunum mínum núna :)

2. Hlúðu að því sem þér þykir vænt um er næst og ég ætla að skoða það þessa viku hvernig ég er að gera það og stundum getur verið óþægilegt að horfast í augu við það sem betur mætti fara en á endanum borgar það sig.
Þannig að ég ætla að reyna mitt besta það er ekki hægt að fara fram á meira en það eða hvað?
Það er gott að muna eftir fuglunum þegar veðrið versnar og gefa þeim brauðafganga, epli og ef það er einhver fita sem þið eruð að skera frá þá þiggja þeir það með þökkum.

 Mín ósk til ykkar er að þið eigið öll kósý kvöld heima á meðan veðrið gengur yfir.:)

Comments

Post a Comment

Popular posts from this blog

Gúrka, gúrka, gúrka

-
Image
   Það er stundum talað um gúkutíð þegar lítið er í fréttum og þannig er það búið að vera hjá mér að undanförnu hef ekki skifað í nokkra daga vegna annríkis og andleysis og þannig er það bara stundum hjá okkur í lífinu og er bara allt í lagi :) En ég gerði súrar gúrkur um daginn því að ég átti agúrku sem var að verða leiðinleg ( tala nú ekki við gúrkurnar mínar) ég meina hún var aðeins byrjuð að verða lin. Ein krukka af sýrðri  gúrku: 1 agúrka 2 dl. borðedik 1 dl. vatn 3 msk. sykur  3 lárviðarlauf 3-4 negulnaglar nokkur svört piparkorn 3 bitar af anis  set oft eina anis stjörnu en núna átti ég bara rest og enga heila, setti í pott  allt nema gúrkurnar og sauð það í c.a 10 mín til að fá bragðið fram og sótthreinsaði krukku með sjóðandi vatni og setti gúrkurnar í hana. Þegar lögurninn var aðeins farinn að kólna þá hellti ég honum í krukkuna og kældi alveg og setti svo í ísskáp, það er svo gott að eiga þetta með mat eða á s...
Read more

Kindalund og dásamleg stund !!!!

-
Image
 Mér datt í hug að kaupa kindalundir á tilboði í Krónunni og ætlaði bara að elda þær á þennan venjulega hátt en  þegar ég var búin að opna pakkann þá fannst mér þetta svo lítill matur og ákvað því að gera eitthvað annað úr þeim og þá varð þessi til og hann bragðast bara mjög vel. Þatta var 560 gr. kindalund 3 hvítlauksrif 2 tsk púðursykur 3 msk sojasósa 2 msk sesamfræ 1 biti eins og þumal nögl af fersku engifer Sósan til að marinera kjötið í gerði ég svona: Setti sojasósu í skál og kreysti hvítlauk út í hana og næst setti ég svo púðursykur, hrærði þetta saman og reif síðan engiferið út í. Skar kjötið í góðar sneiðar og setii það síðan út í sósuna og hrærði í því. Bætti svo sesamfræjunum út í og hrærði þetta vel saman með höndunum og lét kjötið liggja í þessu í 2 tíma. Grænmetið sem fór út í réttinn: 3 meðal stórar gulrætur 1/2 púrrulaukur 1 rauð paprika ( var með mjóa langa ) 1/2 zucchini Setti 1 tsk af olíu á wok pönnu og sk...
Read more

Sveita og hjónabandssæla !!!!!

-
Image
Við hjónaleysin brugðum undir okkur betra fætinum um helgina og fórum að veiða byrjuðum í Langavatni í Borgarbyggð og vorum þar eina nótt og tókum þrjá fiska með okkur þaðan. Fórum svo í Hlíðavatn í Hnappadal og þar tók bóndinn einn fisk en ég fór með öngulinn í rassinum heim en það er svo fallegt á báðum þessum stöðum og veðrið var svo fallegt að ég var alsæl. Þessi mynd að ofan er tekin þegar við vorum á leiðinni úr Hlíðavatni og ég er alltaf jafn heilluð af þessu útsýni. Í gærkvöldi var ég orðin ansi þreitt þegar við hættum og háttaði mig úr öllum gallanum í einu og fannst þetta svo fyndið þegar ég sá gallan liggja á rúminu að ég mátti til að smella mynd af honum, þetta er náttúrulega sérstakur hæfileiki að geta háttað sig svona. :) Á heimleiðinni í dag á afmælisdegi bóndans fórum við að Hítarvatni í Hítardal og það er alveg ótrúlega fallegt þar og mikið af fólki við drukkum bara kaffi og fegurðina í okkur og fórum svo heim á leið. Það var að leggjast yfir þokaslæði...
Read more