Kanilsnúðarnir standa alltaf fyrir sínu

-



Það vor bakaðir kanilsnúðar í Brattholtinu í síðustu viku og þetta er mjög gömul uppskrift sem stendur þó alltaf fyrir sínu og ég fékk 140 snúða úr uppskriftinni en hér kemur hún:




UPPSKRIFT:
1 kg. hveiti
10 tsk lyftiduft
2 egg
1 msk kardimommudr.
2 bollar sykur
1 tsk natron
mjólk
250 gr smjör

 Allt nema mjólkin sett í hnoðskálina og klipið saman með höndunum og þegar það er komið aðeins saman þá bæti ég mjólkinni  smátt og smátt út í það er ekki gefið upp hversu mikil mjólk fer í uppskriftina en ég hef sett einn bolla og bætt svo í eftir þörfum deigið á að vera aðeins blautt en ekki þunnt.
Setti þetta á borðið og hnoðaði vel saman og hafði hveiti á hliðarlínunni til að grípa í.

Deigið er skorið í nokkra bita og einn biti í einu flattur út á lengdina og passa bara að hafa  það ekki of þykkt.

Stráði kanilsykri yfir og passaði að hann færi vel út í öll horn og mér finnst gott að hafa mikinn kanil.

Síðan er þessu rúllað upp í pulsu og ég er er ekkert að skera endana af læt þá bara vera ójafna og baka endana með.

Skar þetta í hæfilega þykka bita það er bara smekks atriði hvað þeir eru hafðir þykkir.

Setti þá á bökunarplötu með smjörpappír gott að hafa smá pláss á milli því þeir stækka aðeins.

Bakaði þá í 15 mín eða þar til þeir voru orðnir aðeins brúnir, það er gott að breyta til og setja rabbabarasultu á lengjuna og rúlla henni upp þá vera snúðarnir líka mjög góðir, eins hef ég prófað að setja marsipan á þá og það er mjög gott líka svona til spari.


 FRÓÐLEIKUR.

Það er sagt að kanill sé ævaforn lækningajurt auk þess að vera eitt af mikilvægustu kryddum í heimi.

Kanill örvar blóðflæði og vermir kaldar hendur og fætur. Hann hefur bakteríu-,sveppa-og veirudrepandi áhrif og þykir góður við kvefi og flensum.

Kanill er líka styrkjandi fyrir meltingarfærin, talinn lækka blóðsykur og blóðfitu, auk þess góður við ógleði, upþembu, vindgangi, krömpum og niðrgangi. Kanill er einnig talinn örva tíðablæðingar og draga úr tíðaverkjum. Heimildir úr bókinni Ljúfmeti úr lækningajurtum eftir Albert Eiríksson og Önnu Rósu Róbertsdóttur grasalækni.

KANELSNÚÐAR ÖRVA GÓÐA SKAPIÐ OG FÆR FÓLK TIL AÐ BROSA!

Comments

Post a Comment

Popular posts from this blog

Gúrka, gúrka, gúrka

-
Image
   Það er stundum talað um gúkutíð þegar lítið er í fréttum og þannig er það búið að vera hjá mér að undanförnu hef ekki skifað í nokkra daga vegna annríkis og andleysis og þannig er það bara stundum hjá okkur í lífinu og er bara allt í lagi :) En ég gerði súrar gúrkur um daginn því að ég átti agúrku sem var að verða leiðinleg ( tala nú ekki við gúrkurnar mínar) ég meina hún var aðeins byrjuð að verða lin. Ein krukka af sýrðri  gúrku: 1 agúrka 2 dl. borðedik 1 dl. vatn 3 msk. sykur  3 lárviðarlauf 3-4 negulnaglar nokkur svört piparkorn 3 bitar af anis  set oft eina anis stjörnu en núna átti ég bara rest og enga heila, setti í pott  allt nema gúrkurnar og sauð það í c.a 10 mín til að fá bragðið fram og sótthreinsaði krukku með sjóðandi vatni og setti gúrkurnar í hana. Þegar lögurninn var aðeins farinn að kólna þá hellti ég honum í krukkuna og kældi alveg og setti svo í ísskáp, það er svo gott að eiga þetta með mat eða á samloku og þetta er ágæt lausn
Read more

Sveita og hjónabandssæla !!!!!

-
Image
Við hjónaleysin brugðum undir okkur betra fætinum um helgina og fórum að veiða byrjuðum í Langavatni í Borgarbyggð og vorum þar eina nótt og tókum þrjá fiska með okkur þaðan. Fórum svo í Hlíðavatn í Hnappadal og þar tók bóndinn einn fisk en ég fór með öngulinn í rassinum heim en það er svo fallegt á báðum þessum stöðum og veðrið var svo fallegt að ég var alsæl. Þessi mynd að ofan er tekin þegar við vorum á leiðinni úr Hlíðavatni og ég er alltaf jafn heilluð af þessu útsýni. Í gærkvöldi var ég orðin ansi þreitt þegar við hættum og háttaði mig úr öllum gallanum í einu og fannst þetta svo fyndið þegar ég sá gallan liggja á rúminu að ég mátti til að smella mynd af honum, þetta er náttúrulega sérstakur hæfileiki að geta háttað sig svona. :) Á heimleiðinni í dag á afmælisdegi bóndans fórum við að Hítarvatni í Hítardal og það er alveg ótrúlega fallegt þar og mikið af fólki við drukkum bara kaffi og fegurðina í okkur og fórum svo heim á leið. Það var að leggjast yfir þokaslæði
Read more

Kindalund og dásamleg stund !!!!

-
Image
 Mér datt í hug að kaupa kindalundir á tilboði í Krónunni og ætlaði bara að elda þær á þennan venjulega hátt en  þegar ég var búin að opna pakkann þá fannst mér þetta svo lítill matur og ákvað því að gera eitthvað annað úr þeim og þá varð þessi til og hann bragðast bara mjög vel. Þatta var 560 gr. kindalund 3 hvítlauksrif 2 tsk púðursykur 3 msk sojasósa 2 msk sesamfræ 1 biti eins og þumal nögl af fersku engifer Sósan til að marinera kjötið í gerði ég svona: Setti sojasósu í skál og kreysti hvítlauk út í hana og næst setti ég svo púðursykur, hrærði þetta saman og reif síðan engiferið út í. Skar kjötið í góðar sneiðar og setii það síðan út í sósuna og hrærði í því. Bætti svo sesamfræjunum út í og hrærði þetta vel saman með höndunum og lét kjötið liggja í þessu í 2 tíma. Grænmetið sem fór út í réttinn: 3 meðal stórar gulrætur 1/2 púrrulaukur 1 rauð paprika ( var með mjóa langa ) 1/2 zucchini Setti 1 tsk af olíu á wok pönnu og skellti grænmeti
Read more